ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2026 ގައި ހުކުރު ދުވަހު ކުޅުނު މެޗުތައް ކާމިޔާބުކޮށް، ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް (އެފް.އެޗް.ޓީ.އެސް)، ސެންޓަރ ފައުންޑޭޝަން ސްޓަޑީޒް (ސީ.އެފް.އެސް) އަދި އެމް.އެން.ޔޫ. ބިޒްނަސް ސްކޫލް (އެމް.އެން.ޔޫ.ބީ.އެސް) ގެ އަންހެން ޓީމުތަކުން މުބާރާތުގެ ކުއާޓާ ފައިނަލުގެ ޖާގަތައް ކަށަވަރު ކޮށްފިއެވެ.
އެފް.އެޗް.ޓީ.އެސް އިން ކުއާޓާ ފައިނަލުގެ ޖާގަ ކަށަވަރު ކުރީ ސައިރިކްސް ކޮލެޖާއި ވާދަކޮށް 2-1 ގެ ނަތީޖާއަކުން މެޗު ކާމިޔާބު ކޮށްގެންނެވެ. މި ނަތީޖާއާއެކު ސައިރިކްސް ކޮލެޖް، އެފް.އެޗް.ޓީ.އެސް އަދި ފެކަލްޓީ އޮފް ޝަރީއާ އިން ލޯ އަށްވެސް ލިބިފައިވަނީ ތިން ޕޮއިންޓެވެ. އެފް.އެޗް.ޓީ.އެސްއަށް ކުއާޓާގެ ޖާގަ ލިބުނީ ސައިރިކްސް ކޮލެޖަށްވުރެ ފައިދާ ގޯލު ގިނަވުމުންނެވެ.
އެމް.އެން.ޔޫ.ބީ.އެސް އަށް ކުއާޓާގެ ޖާގަ ޔަގީން ކުރެވުނީ ފެކަލްޓީ އޮފް އެޑިއުކޭޝަން (އެފް.އީ) ގެ މައްޗަށް 1-0 ން މޮޅުވެގެން ޖުމްލަ ފަސް ޕޮއިންޓު ހޯދައިގެންނެވެ. އެ ގްރޫޕްގައި ދެން އޮތް ވިލާ ކޮލެޖާއި މިއާންޒް ކޮލެޖަށްވެސް ލިބެނީ ފަސް ޕޮއިންޓެވެ. އެފް.އީ މުބާރާތާ ވަކިވާން ޖެހުނީ ގްރޫޕް ސްޓޭޖުގެ މެޗުތައް ނިމުނުއިރު، ޕޮއިންޓެއް ނުލިބި ތާވަލުގެ ފުލުގައި އޮތުމުންނެވެ.
މީގެ އިތުރުން، ސީ.އެފް.އެސް ވަނީ ޒިކުރާ ކޮލެޖާއި ވާދަކޮށް 3-1 ން މޮޅުވެގެން ހޯދި ތިން ޕޮއިންޓާއެކުގައެވެ. މި ގްރޫޕުން ކުއާޓާގެ ޖާގަ ދެން ލިބިފައި ވަނީ ފެކަލްޓީ އޮފް ހެލްތު ސައިންސަސް އަށެވެ.
ހުކުރު ދުވަހު ކުޅުނު މެޗުތަކުގެ ނަތީޖާ:
އަންހެން ޑިވިޝަން:
– ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް 3 – 1 ސައިރިކްސް ކޮލެޖު
މެޗުގެ މޮޅު ކުޅުންތެރިޔާ: އައިޝަތު ޝުބާ ޝިފާއު (10) ، އެފް.އެޗް.ޓީ.އެސް
– އެމް.އެން.ޔޫ ބިޒްނަސް ސްކޫލް 1 – 0 ފެކަލްޓީ އޮފް އެޑިއުކޭޝަން
މެޗުގެ މޮޅު ކުޅުންތެރިޔާ: އައިޝަތު ނަސްމާ އަހްމަދު (10)، އެމް.އެން.ޔޫ.ބީ.އެސް
– ސެންޓަރ ފޯ ފައުންޑޭޝަން ސްޓަޑީޒް 3 – 1 ޒިކުރާ ކޮލެޖު
މެޗުގެ މޮޅު ކުޅުންތެރިޔާ: މަރިޔަމް ޝިނާނާ ޝިއުތު (27)، ސީ.އެފް.އެސް
ފިރިހެން ޑިވިޝަން:
– އެމް.އައި.ޓީ 6 – 3 އެވިޑް ކޮލެޖު
މެޗުގެ މޮޅު ކުޅުންތެރިޔާ: އަބްދުﷲ ނާސިފް (5)، އެމް.އައި.ޓީ
– އެމް.އެން.ޔޫ.ބީ.އެސް 11 – 0 ސައިރިކްސް ކޮލެޖު
މެޗުގެ މޮޅު ކުޅުންތެރިޔާ: މުހައްމަދު މައިސް (17)، އެމް.އެން.ޔޫ.ބީ.އެސް
– އެފް.އީ 5 – 0 ފެސްޓް
މެޗުގެ މޮޅު ކުޅުންތެރިޔާ: މުހައްމަދު މުސްލިމް (4) އެފް.އީ
– އެފް.އެސް.އެލް 0 – 5 އެފް.އެޗް.އެސް
މެޗުގެ މޮޅު ކުޅުންތެރިޔާ: އަބްދުލް ޝަކޫރް (19)، އެފް.އެޗް.އެސް
– ޕޮލިޓެކްނިކް 1 – 15 މިއާންޒް ކޮލެޖު
މެޗުގެ މޮޅު ކުޅުންތެރިޔާ: މުހައްމަދު މިންވާލް (19)، މިއާންޒް ކޮލެޖު
– އެފް.އެޗް.ޓީ.އެސް 2 – 1 އެސް.އެމް
މެޗުގެ މޮޅު ކުޅުންތެރިޔާ: މުހައްމަދު ނައިސަމް ނަދީމް (4)، އެފް.އެޗް.ޓީ.އެސް
މުބާރާތުގައި ހޮނިހިރު ދުވަހުގެރޭ ކުރިއަށް ދާނީ ފިރިހެން ޑިވިޝަނުގެ ގްރޫޕް ސްޓޭޖުގެ ފަހު މެޗުތަކެވެ. ކުއާޓާ ފައިނަލް މެޗުތައް ކުޅުމަށް ތާވަލު ކުރެވިފައި އޮތީ ހޯމަ ދުވަހުގެ ރެއަށެވެ.
މިފަހަރުގެ މުބާރާތުގެ ޓައިޓަލް ސްޕޮންސަރަކީ ދިރާގެވެ. ބޭންކިންގ ޕާޓްނަރަކީ ބޭންކް އޮފް މޯލްޑިވްސްއެވެ. އަދި ލޮޖިސްޓިކްސް ޕާޓްނަރުގެ ގޮތުގައި ރޯޑް ޑިވެލޮޕްމެންޓް ކޯޕަރޭޝަން ހަރަކާތްތެރިވާއިރު, ޕްރިންޓިންގ އެންޑް ކިޓް ޕާޓްނަރަކީ ށަވިޔަންޏެވެ. މީޑިއާ ޕާޓްނަރެއްގެ ގޮތުގައި ވޮއިސް ސްޕޯޓްސް ހަމަޖައްސާފައިވާއިރު, ބެވެރޭޖް ޕާޓްނަރެއްގެ ގޮތުގައި ހަރަކާތްތެރިވަނީ އައިލެންޑް ބެވެރޭޖަސް މޯލްޑިވްސް (ތާޒާ) އެވެ. ސްޕޯޓިންގ ޕާޓްނަރެއްގެ ގޮތުގައި މާކުއީ ހަމަޖައްސާފައިވާ އިރު, ކޭޓަރިންގ ޕާޓްނަރަކީ ލެސޫކްއެވެ. ސާވިސެސް ޕާޓްނަރަކީ ޓާސްކިން އެޕްއެވެ. މުބާރާތުގެ ލައިވް ސްޓްރީމް ޕާޓްނަރަކީ ޖީ ލައިވްއެވެ.
މުބާރާތުގެ ޕާޓްނަރުންގެ ތެރޭގައި ދެން ހިމެނެނީ ތޫލް, މިނިސްޓްރީ އޮފް ޔޫތު އެމްޕަވަރމެންޓް, ސްޕޯޓްސް އެންޑް ފިޓްނަސް, މާލެ ސިޓީ ކައުންސިލް އަދި ގޯލްޑަން ފުޓްސަލް އެސޯސިއޭޝަންގެ އިތުރުން އީޒެޕް އާއި ކުއިކް އީޒީއެވެ.
