ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ގެ 15ވަނަ ދައުރުގެ ހިންގާ ކޮމެޓީ ގައުމީ ޔުނިވަރސިޓީގެ ވައިސް ޗާންސެލަރ ޑރ. އައިޝަތު ޝެހެނާޒް އާދަމް އިފްތިތާހުކޮށްދެއްވައިފި އެވެ.
ނޮވެންބަރު 20 ވީ ހުކުރު ދުވަހުގެރޭ ކުރިއަށްދިޔަ އެމް.އެން.ޔޫ.އެސް.ޔޫ އަހަރީ އާންމު ޖަލްސާގައި ވައިސް ޗާންސެލަރގެ ޝެހެނާޒްގެ އިތުރުން، ޑެޕިއުޓީ ވައިސް ޗާންސެލަރ ޑރ. ރަޙީމާ ޢަބްދުއްރަޙީމް، އަދި ޢަބްދުއްރަޙްމާން މުބާރިކުގެ އިތުރުން ދަރިވަރުންގެ އަމީދު، ފެކަލްޓީތަކުގެ ޑީނުން، އެމް.އެން.ޔޫ.އެސް.ޔޫގެ ކުރީގެ ރައީސުން އަދި ކުރީގެ ހިންގާ ކޮމެޓީ ތަކުގެ މެމްބަރުގެ އިތުރުން ޔޫނިއަންގެ އިސްވާރުން ވަނީ ބައިވެރިވެފަ އެވެ.
އެމް.އެން.ޔޫ.އެސް.ޔޫ 15ވަނަ ދައުރުގެ ހިންގާ ކޮމެޓީ:
ރައީސް: މުހައްމަދު ހިޒްޔަމް ހާމިދު
ނައިބު ރައީސް (އިލްމީ): ޒާން މުޙައްމަދު ޒުލާލު
ނައިބު ރައީސް (އިތުރު ހަރަކާތް): އާދަމް ރާއިފް
ނައިބު ރައީސް (ގޮފިތައް): އައިޝަތު ޝަދްން ޝަކީލް
ހަޒާންދާރު: ފާތިމަތު ޖޫލިއާ
ޖެނެރަލް ސެކެޓްރީ: ފާތިމަތު ޖޫލިއާ
ރީޖިނަލް ކޯޑިނޭޓަރ: މުޙައްމަދު ރައުޝަން
މީޑިއާ ކޯޑިނޭޓަރ: މުޙައްމަދު ނުހާމް
މި ރަސްމިއްޔާތުގައި ވަނީ ޔޫނިއަންގެ އަސާސީ ގަވާއިދުގައި ހިމެނޭ ޗަންދާގެ އަދަދު، އަލަށް ޔުނިވަރސިޓީއަށް ވަންނަ ދަރިވަރުންގެ އަތުން 50 ރުފިޔާއިން 100 ރުފިޔާއަށް ބަދަލުކުރުމަށް ގަރާރު ހުށަހަޅައި، ބައިވެރިވި މެންބަރުންގެ އަޣުލަބިއްޔަތުން ފާސްކޮށްފައެވެ.
ޔޫނިއަންގެ ހިންގާ ކޮމިޓީއަށް އަލަށް އިންތިޚާބުވި މެންބަރުންނަށް މަޤާމު ޙަވާލުކުރުމުގެ ރަސްމިއްޔާތާއެކީ ޔޫނިއަންގެ އިނާމު ދިނުމުގެ ޙަފްލާ އަދި އަހަރީ އާންމު ޖަލްސާވެސް ކުރިއަށް ގެންދެއެވެ.






