އެމް.އެން.ޔޫބީއެސްގެ އަންހެން ޓީމުންވެސް އެމްޑަބުލިޔުއެސްސީ އެމްއެންޔޫއެސްޔޫ ފުޓްސަލް ފިއެސްޓާގެ ކުއާޓާ ކަށަވަރުކޮށްފިއެވެ.
ގުރޫޕް ސްޓޭޖުގެ މެޗުތައް ނިމުންއިރު، އެމްއެންޔޫބީއެސްގެ ފިރިހެންޓީމުން ކުއާޓާއިންވަނީ ޖާގަ ހޯދާފައެވެ. އަންހެން ޓީމު ގުރޫޕް ސްޓޭޖުގައި ކުޅުނު ފުރަތަމަ މެޗުގައި އެވިޑް ކޮލެޖް 4-1 އިން ވަނީ މެޗު ކާމިޔާބުކޮށްފައެވެ. އެހެންކަމުން ގުރޫޕް ސްޓޭޖުގައި ކުޅުނު އެންމެ ފަހު މެޗަށް އެމްއެންޔޫބީއެސްގެ ޓީމު ނިކުތީ މެޗު ކާމިޔާބު ކުރުމުގެ ޖޯޝުގައެވެ. އެހެންނަމަވެސް އެންމެ ފަހު މިނެޓްގައި އެމް.އައި ކޮލެޖްއަށް ލިބުނު ހިލޭ ޖެހުން ކާމިޔާބުކޮށް ވަނީ 1-1 އިން އެއްވަރުވެފައެވެ.
މިއަދު ހަވީރު 5:00 ގައި އެމް.އައި ކޮލެޖް އަދި އެވިޑް ބައްދަލު ކުރި މެޗުން އެވިޑް ކޮލެޖް މެޗު ކާމިޔާބު ކުރީ 5-0 ގެ ނަތީޖާއިންނެވެ. ގްރޫޕް ސީ އިން ދެމެޗްވެސް ކާމިޔާބުކޮށް ކުއާޓާ ފައިނަލަށް ދަތުރުކުރި ފުރަތަމަ ޓީމަކީ އެމް.އައި ކޮލެޖެވެ. އަދި ވާދަވެރި ގްރޫޕް ސީގެ ދެވަނަ ޓީމުގެ ގޮތުގައި އެމްއެންޔޫބީއެސްގެ އަންހެން ޓީމަށް ކުއާޓާ ޔަޤީންވީ ފައިދާ ގޯލުގެ ތަފާތުންނެވެ.
އެމްޑަބުލިޔުއެސްސީ އެމްއެންޔޫއެސްޔޫ ފުޓްސަލް ފިއެސްޓާގެ ކުއާޓާފައިނަލްގެ މެޗްތައް މާދަމާރޭ 8:00ގައި ފެށޭއިރު އެމް.އެން.ޔޫބީއެސްގެ ދެޓީމުންވެސް ތިބީ ސެމީ ފައިނަލުން ޖާގަ ހޯދުމަށް އަތުކުރި އޮޅާލައިގެންނެވެ.
ލިޔުނީ : ފާތިމަތު ޒަހްރާ
މީޑިއާ ކޯޑިނޭޓަރ، ބީއެސްއެސްއޭ، އެމް.އެން.ޔޫ.އެސް.ޔޫ
