ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ހިންގާ ކޮމިޓީން ސިއާ އާއި ބައްދަލުކޮށްފިއެވެ.
ރޭގެ ވަގުތެއްގައި ޔޫނިއަންގެ އޮފީހުގައި، ބޭއްވި މި ބައްދަލުވުމުގައި ސިއާގެ މީޑިއާ ކޯޑިނޭޓަރ ފިޔަވައި ހިންގާ ކޮމިޓީގެ އެހެން ހުރިހާ މެންބަރުން ބައިވެރިވިއެވެ. ޔޫނިއަންގެ ހިންގާ ކޮމިޓީގެ މެމްބަރުންނާއިއެކު ބޭއްވި މި ބައްދަލުވުމަކީ ސިއާއިން ކުރިއަށް ރާވާފައިވާ ޙަރަކާތްތަކާއިމެދު ޔޫނިއަންގެ ހިންގާ ކޮމިޓީ އާއި މަޝްވަރާކުރުމަށް ބޭއްވި ބައްދަލުވުމެކެވެ. އެގޮތުން މިހާރު ސިއާ އިން ހިންގިފައިވާ ހަރަކާތް ތަކުގެ އަދާހަމަތަކާއި ކުރިއަށް ރޭވިފައި ހުރި ކަންކަން ކުރުމަށް ޔޫނިއަންގެ ފަރާތުން ބޭނުންވާ އެއްބާރުލުމަކީ ކޮބައިކަމާ މެދު ވަނީ ވާޙަކަ ދެކެވިފައެވެ. އަދި ހަމަ އެހެންމެ ފެންވަރު ރަނގަޅު ކޮންމެވެސް އެއް ހަރަކާތް މިއަހަރު ނިމުގެ ކުރިއަށް ބޭއްވޭތޯ މަސައްކަތް ކުރުމަށް ޔޫނިއަން އިން ވަނީ އެދިފައެވެ. މީގެ އިތުރުން ޔޫނިއަން އިން ކުރިއަށް ހިންގުމަށް ރޭވިފައިވާ ކަންކަމުގެ މަޢުލޫމާތުވެސް މި ބައްދަލުވުމުގައި ހިއްސާ ކުރެވިފައިވެއެވެ. އަދި ހަމަ އެހެންމެ، ވީހާވެސް އަވަހަކަށް ވިންގުގެ ޔައުމިއްޔާ އާއި ބަޖެޓް އެކްސްޕެންސް ރިޕޯޓް ޔޫނިއަން އަށް ހުށަހެޅުމަށްވެސް އެދިފައިވެއެވެ.
ޔޫނިއަންގައި މިހާރު އޮތް 14 ގޮތްޕާއެކު ވަކިވަކިން ޔޫނިއަންގެ ހިންގާ ކޮމިޓީން ބައްދަލު ކުރުމަށް ނިންމައިގެން ބާއްވާ މިބައްދަލުވުން ތަކުގެ ތެރެއިން ސިއާ އާއި އެކު ބާއްވާފައި މިވަނީ މީގެ 6 ވަނަ ބައްދަލުވުމެވެ.
ލިޔުނީ: އަޙްމަދު ޝައްފާޒު
ރައީސް
ސްޓޫޑެންޓްސް އިނިޝިއޭޓިވް އޮފް އާރޓްސް
