ސިއާ އޮކްޓޯބް-އާރޓް ނަމުގައި، މި ނިމިދިޔާ އޮކްޓޯބަރު މަހު ސިއާ އިން ހުޅުވާލި ތަފާތު 3 މުބާރާތް ނިމިއްޖެއެވެ.
ގޭގައި ތިބެގެން އޮންލައިންކޮށް ތަކެތި ހުށަހެޅޭ ގޮތަށާއި ގޭގައި މަސައްކަތްކޮށް ނިންމައިގެން އެފް.އޭ ގެ އޮފީހަށް ތަކެތި ހުށަހަޅާގޮތައް ހުޅުވާލެވުނު 3 މުބާޜާތްވެސް ނިމިއްޖެއެވެ. ސިއާ އޮކްޓޯބް-އާރޓް ނަމުގައި މިފަހަރު ހުޅުވާލި މުބާރާތްތަކަކީ، ސިއާ އިންސްޓަގްރާމް ފޮޓޯ ޗެލެންޖް، ސިއާ ޅެންހެދުމުގެ މުބާރާތް އަދި ސިއާ ޕެއިންޓް ކޮމްޕެޓިޝަން އެވެ. މި 3 މުބާރާތުގެ ތެރެއިން ސިއާ ޕެއިންޓް ކޮމްޕެޓިޝަން އަކީ މިއަހަރު މުޅީން އަލަށް ބޭއްވި މުބާރާތެކެވެ. ދެން އިން ދެ މުބާރާތަކީވެސް މިދިޔައަހަރުވެސް ބާއްވާފައިވާ ދެ މުބާރާތެވެ. މި 3 މުބާރާތަކީވެސް އެމް.އެން.ޔޫ ގެ ހުރިހާ ދަރިވަރުންނަށް ހުޅުވާލި މުބަރާތްތަކެއްކަންވެސް ފާހަގަކޮށްލެވެ.
މި 3 މުބާރާތުގެ ތެރެއިންވެސް މިފަހަރު އެންމެ ކާމިޔާބު މުބާރާތަކީ ސިއާ ޕެއިންޓް ކޮމްޕެޓިޝަންއެވެ. މި މުބާރާތުގައި 16 ދަރިވަރުން ބައިވެރިވި ނަމަވެސް ކުރެހުން ހުށަހަޅާފައިވަނީ 13 ދަރިވަރުންނެވެ. އެއީ ފެކަލްޓީ އޮފް އާރޓްސްގެ 12 ދަރިވަރުންނާއި ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ އެއް ދަރިވަރެވެ. މި މިމުބާރާތައް މުޅިއެކު 17 ކުރެހުން ހުށަހަޅާފައިވެއެވެ. މި މުބަރާތާކީވެސް ސިއާ އިން ކޮންމެ އަހަރަކު ކުރިއަށް ގެންދަން ނިންމައިގެން ’ވޯލްޑް އާރޓިސްޓްސް ޑޭ‘ އާއި ގުޅުވައިގެން ބޭއްވުނު މުބާރާތެކެވެ.
ސިއާ އޮކްޓޯބް-އާރޓް ނަމުގައި ބޭއްވި 3 މުބާރާތުގެ ވެސް ސެޓްފިކެޓް އާއި އިނާމް ހަވާލުކުރުމަށް ހަމަޖެހިފައިވަނީ، އިނާމު ދިނުމުގެ ޚާއްސަ ރަސްމިއްޔާތެއްގައެވެ.
ލިޔުނީ: އަޙްމަދު ޝައްފާޒު
ރައީސް
ސްޓޫޑެންޓްސް އިނިޝިއޭޓިވް އޮފް އާރޓްސް
