ފެކަލްޓިގެ ބައޯމެޑިކަލް ސައިންސަސް ޑިޕާރޓްމެންޓްއާއި ގުޅިގެން ހީލާރސް އިން މެޑިކަލް ލެބޯރޓަރީ ޕްރޮފެޝަނަލް ހަފްތާ ފާހަގަކުރަމުން އެބަދެއެވެ. މި ހަރަކާތް ކުރިއަށް ގެންދަނީ ފެކަލްޓީ އޮފް ހެލްތް ސައިންސަސްގެ ގްރައުންޑް ފްލޯރގައެވެ. މެޑިކަލް ލެބޯރޓަރީ ކިޔަވަމުންގެންދާ ދަރިވަރުން ހަދާފައިވާ އެކިކަހަލަ ޕޯސްޓަރ ތަކާއި މައުލޫމާތުން ފުރިފައިވާ ޑިސްޕްލޭތައް ގްރައުންޑް ފްލޯރގައި ހުރިހާދަރިވަރުންނަށް ފެންނަގޮތައް ބެހެއްޓިފައި ހުންނާނެއެވެ.
އަދި މީގެ އިތުރުން ސެލްފީ މުބާރާތެއްވެސް ކުރިޔަށް އެބަދެއެވެ. ޕޯސްޓަރ ތަކުގެ އިތުރުން ބެހެއްޓިފައިވާ ފްރޭމްތަކާއިއެކު ފޮޓޯނެގުމަށްފަހު ހީލާރސް، އަދި އެފް.އެޗް.އެސްގެ އެކައުންޓް ޓެގް ކުރުމަށްފަހު ޓްވިޓަރ، އިންސްޓަގްރާމް ނުވަތަ ފޭސްބުކްގައި ޕޯސްޓްކުރާއިރު ތީމްއާއިގުޅޭ ހޭޝްޓެގްތައް ބޭނުންކުރުމަށް ފެކަލްޓިގެ ޑިޕާޓްމެންޓް އޮފް ބައޯމެޑިކަލް ސައިންސަސް ވަނީ އިރުޝާދު ދެއްވާފައެވެ.
މެޑިކަލް ލެބޯރޓަރީ ޕްރޮފެޝަނަލް ހަފްތާ ފާހަގަކުރަމުން ދަނީ އެޕްރިލް 21 އިން ފެށިގެން 27 އެޕްރިލްއާއި ހަމައަށެވެ. މި ހަފްތާ ފާހަގަ ކުރުމުގެ މަގްޞަދަކީ ސިއްހީ ނިޒާމުގައި ފަރުގާގެ ފުރަގަހުން މަސައްކަތް ކުރަމުންދާ ލެބޯރޓަރީ ޓެކްނޮލޮޖިސްޓުންގެ އަގު ވަޒަންކޮށް އެދާއިރާގެ މުހުންމުކަން ފާހަގަކުރުމެވެ.
