ލޮކްޑައުން ޔޫރޯ ފޯރީގެ އެއްވަނައަށް ”ޕްރޯ ސޮކާ“ގެ ވަރަށް ޚާއްޞަ އިނާމެއް

އެމް.އެން.ޔޫ.އެސް.ޔޫ ލޮކްޑައުން ޔޫރޯ ފޯރީގެ މުޅި މުބާރާތުން އެއްވަނަ އަށް ހޮވޭ ފަރާތަކަށް މި މުބާރާތުގެ މެއިން ސްޕޮންސަރ ”ޕްރޯ ސޮކާ“ގެ ފަރާތުން ފުޓްސަލް ނުވަތަ ފުޓްބޯޅަ ބޫޓެއް ދިނުމަށް ނިންމައިފިއެވެ. މި ބޫޓުގެ ސައިޒާއި ބޫޓަކީ ފުޓްސަލް ބޫޓެއްތޯ ނުވަތަ ފުޓްބޯޅަ ބޫޓެއްތޯ ނިންމުމުގެ ފުރިހަމަ އިޚްތިޔާރު އޮންނާނީ ވެސް އެއްވަނައަށް ހޮވޭ ފަރާތެއްކަމަށް އެމް.އެން.ޔޫ.އެސް.ޔޫ އިން މަޢުލޫމާތު ދެއްވައެވެ.

ޕްރޯ ސޮކާއަކީ މީގެ ކުރީންވެސް އެމް.އެން.ޔޫ.އެސް.ޔޫ ފުޓްސަލް ފިއެސްޓާތަކުގަ ޓީމްތަކުގެ ޖޯޒީ ހެދުމުގައި ވަރަށް ގިނަ އެހީތެރިކަން ފޯރުކޮށްދީފައިވާ ފަރާތެއް. އަދި ރާއްޖެއަށް އޮރިޖިނަލް ބޫޓު ގެނައުމުގައި ނަން މަޝްހޫރު ބަޔަކަށްވެފައި އެމް.އެން.ޔޫ.އެސް.ޔޫ އަށް އަބަދުވެސް އެހީތެރިވާ ފަރާތަކަށް ވާތީ އެޕްރޯޗްކުރީ. އެގޮތުން ޕްރޯ ސޮކާ މިހާރުވަނީ ”އެމް.އެން.ޔޫ.އެސް.ޔޫ ލޮކްޑައުން ޔޫރޯ ފޯރި“ ގެ މެއިން ސްޕޮންސަރގެ ގޮތުގައި ހަމަޖެހިފައި

އެމް.އެން.ޔޫ.އެސް.ޔޫގެ ރައީސް ޝަހުނީޒް

ޖުމްލަ 7 ބުރަށް ބަހާލެވިގެން ކުރިއަށްގެންދާ މި މުބާރާތުގައި އަގުހުރި އެތައް އިނާމުތަކެއް ދިނުމަށްވަނީ ނިންމާފައެވެ. މިގޮތުން މުބާރާތުގެ ކޮންމެ ބުރެއްގެ އެއްވަނައަށް ”ސަޕްރައިޒް“ އިނާމެއް ހުށަހެޅިފައިވާއިރު، މުބާރާތުގެ 1 ވަނަ، 2 ވަނަ އަދި 3 ވަނަ އަށްވެސް ތަފާތު އަގުހުރި އިނާމުތައް ދިނުމަށް ނިންމާފައެވެ.

މުޅި މުބާރާތުން އެންމެ ގިނަ ޕޮއިންޓު ހޯދާ 3 ފަރާތަށް ދެވޭ އިނާމް: 1 ވަނަ އަށް ދާ ފަރާތަށް ފުޓްސަލް/ފުޓުބޯޅަ ބޫޓެއް އަދި ސަޕްރައިޒް އިނާމެއް

2 ވަނަ އަށް ދާ ފަރާތަށް ފުޓްސަލް ބޯޅައެއް އަދި ސަޕްރައިޒް އިނާމެއް

3 ވަނަ އަށް ދާ ފަރާތަށް، އެ ފަރާތަކަށް އެންމެ ކަމުދާ ޓީމެއްގެ ޖާޒީ އަދި ސަޕްރައިޒް އިނާމެއް

11 ޖޫން 2021 ވާ ހުކުރު ދުވަހު ފެށުމަށް ހަމަޖެހިފައިވާ ޔޫރޯ 2020 މުބާރާތުގެ މެޗުތަކުގެ ނަތީޖާ ލަފާ ކޮށްގެން ”އެމް.އެން.ޔޫ.އެސް.ޔޫ ލޮކްޑައުން ޔޫރޯ ފޯރި“ ގައި ބައިވެރިވުމުގެ ފުރުސަތު ކޮންމެ ފަރާތަކަށްވެސް ވަނީ ހުޅުވާލެވިފަ އެވެ. މިގޮތުން ކުރަން ޖެހޭ ހަމައެކަނި ކަމަކީ ޔޫރޯގެ ކޮންމެ މެޗަކަށް އެމް.އެން.ޔޫ.އެސް.ޔޫގެ ފޭސްބުކް  ޕޭޖުގައި ޕޯސްޓުކުރެވިފައިވާ ގޫގުލް ފޯމް އެ މެޗުގެ 60 ވަނަ މިނެޓުގެ ކުރިން ފުރާލުމެވެ.

މި މުބާރާތުގެ މަޤްޞަދަކީ ޔޫރޯ މުބާރާތުގެ ފޯރި އާންމުންގެ ތެރޭގައި އިތުރުކުރުމާއި، މާލޭގެ ފުރަބަންދު ޙާލަތުގައި ގޭގައި ތިބެގެން ޝައުޤުވެރިކަމާއެކު ބައިވެރިވެވޭނެ ޙަރަކާތެއް ޢާންމުންނާ ހަމައަށް ގެނެސްދިނުމެވެ.