ސެޕްޓެމްބަރު މަހު ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.އެސް.ޔޫ) ގެ ފަރާތުން އިންތިޒާމް ކޮށްގެން ބާއްވަން ހަމަޖެހިފައިވާ އިންޓަރ ފެކަލްޓީ ވޮލިބޯޅަ މުބާރާތުގެ ފަރިތަކުރުންތައް ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (އެފް.އެޗް.ޓީ.އެސް) އިން ފަށައިފިއެވެ.
ފަރިތަކުރުންތައް ފަށައިފައި ވަނީ މިމަހުގެ 5 ވަނަ ދުވަހު އެފްއީ ޕީއީ ހޯލްގައި އަންހެން އަދި ފިރެހެން ޓީމްގެ ކޯޗާއި އެކުއެވެ. 2019 ވަނަ އަހަރު ބޭއްވި މުބާރާތުގައި އެފް.އެޗް.ޓީ.އެސް އިން ވަނީ ރަންވަންތަކެއް ހޯދާފައިވެއެވެ. އެގޮތުން އެފް.އެޗް.ޓީ.އެސް ފިރެހެންޓީމުން ޗެމްޕިއަންސްކަން ހޯދައިފައިވެއެވެ.
އެފް.އެޗް.ޓީ.އެސް އިން ފަރިތަކުރުންތައް ފަށާފައިވާއިރު، މިއަހަރުގެ މުބާރާތަށް އެފް.އެޗް.ޓީ.އެސް އިން ނުކުންނާނީ އަންހެން އަދި ފިރިހެން ޑިވިޝަނުގެ ޗެމްޕިއަންކަން ހޯދުމުގެ އަޒުމުގައެވެ.
2019 ވަނަ އަހަރުގެ ކާމިޔާބީ ތަކުރާރު ކުރުމުގެ އަޒުމުގައި އެފް.އެޗް.ޓީ.އެސް އިން މި އަހަރުގެ މުބާރާތުގެ ފަރިތަކުރުންތައް ފަށައިފައިވާއިރު، މި އަހަރުގެ ޓީމުގައިވެސް ކުރީއަހަރުތަކުގައި ކުޅުނު ކުޅުންތެރިން ހިމެނެއެވެ.
