ބީ.އެސް އިން އެފް.އެޗް.ޓީ.އެސްގެ މައްޗަށް ކުރިހޯދިއިރު، އެފް.އެޗް.އެސް އިން އެފް.އީ ބަލިކޮށް ފުރަތަމަ މޮޅު ހޯދައިފި!

އެމް.އެން.ޔޫ.އެސް.ޔޫ އިން ބާއްވާ ވޮލީބޯޅަ މުބާރާތުގެ އަންހެން ޑިވިޝަނުގެ ހޯމަ ދުވަހު ކުޅުނު މެޗުތަކުން ފެކަލްޓި އޮފް ހެލްތު ސައިންސަސް (އެފް.އެޗް.އެސް) އާއި އެމް.އެން.ޔޫ ބިޒްނަސް ސްކޫލް (އެމް.އެން.ޔޫ.ބީ.އެސް) މޮޅުވެއްޖެއެވެ.

ފުރަތަމަ މެޗުގައި އެފް.އެޗް.އެސް މޮޅުވީ ސީދާ ދެ ސެޓުގެ ނަތިޖާއަކުން ފެކަލްޓީ އޮފް އެޑިއުކޭޝަން (އެފް.އީ)އާ ވާދަކޮށްގެންނެވެ. މެޗުގެ ސެޓުތައް އެފް.އެޗް.އެސް އިން ކާމިޔާބުކުރީ 25-11 އަދި 25-16 ގެ ނަތީޖާއަކުންނެވެ. މި މެޗުގެ މޮޅު ކުޅުންތެރިޔާއަށް ހޮވިފައިވަނީ  އެފް.އެޗް.އެސްގެ ޖަރޒީ ނަންބަރު 11، ޒިޔާދާ މުޙައްމަދެވެ.

މިރޭ އަންހެން ޑިވިޝަންގެ ފަހު މެޗުގައި އެމް.އެން.ޔޫ.ބީ.އެސް އަދި ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (އެފް.އެޗް.ޓީ.އެސް) ބައްދަލުކުރި އިރު، މި މެޗު އެމް.އެން.ޔޫ.ބީ.އެސް އިން ކާމިޔާބުކުރީ ސީދަ ދެ ސެޓުންނެވެ. ފުރަތަމަ ސެޓު ކާމިޔާބުކުރީ 25-08 އިންނެވެ. ދެވަނަ ސެޓުގައި އެފް.އެޗް.ޓީ.އެސް އިން ރަނގަޅު ކުޅުމެއް ދެއްކި ނަމަވެސް 25-17ގެ ނަތީޖާއަކުން ސެޓު ކާމިޔާބުކުރީ އެމް.އެން.ޔޫ.ބީ.އެސް އެވެ. މެޗުގެ މޮޅު ކުޅުންތެރިޔާއަށް ހޮވިފައިވަނީ އެމް.އެން.ޔޫ  ބިޒްނަސް ސްކޫލްގެ ޖަރޒީ ނަންބަރު 13، އިލްޒާ އިބްރާހީމެވެ.

އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތަކީ 2015 ވަނަ އަހަރުން ފެށިގެން ސިލްސިލާގޮތެއްގައި މެދުކެނޑުމެއްނެތި ކޮންމެ އަހަރަކު ބާއްވަމުން އަންނަ މުބާރާތެކެވެ. މިއަހަރު މި ބޭއްވެނީ މިފަދަ 8 ވަނަ މުބާރާތެވެ. މިއަހަރުގެ މުބާރާތުގެ ސްޕޮންސަރުންގެ ތެރޭގައި އީސްޓޭޓް ކޮންސްޓްރަކްޝަން ސޮލިއުޝަންސް، އެންޒީ، އޭވް އަދި އޮއޭސެސް ހިމެނެއެވެ. މުބާރާތުގެ ޕްރިންޓިންގ ޕާޓްނަރ އަކީ ކުލަ މޯލްޑިވްސް އެވެ. އަދި އޮންލައިން މީޑިއާ ޕާޓްނަރ އަކީ ސަން މީޑިއާ ގްރޫޕެވެ.