ެކްނޯ އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ ފިރިހެން ޑިވިޝަނުގެ ތިންވަނަރޭ ކުޅުނު އެއް މެޗު އެއްވަރުވި އިރު އަނެއް މެޗުން މޯލްޑިވްސް ބިޒްނަސް ސްކޫލް (އެމް.ބީ.އެސް) މޮޅުވެއްޖެއެވެ.
ބުދަ ދުވަހުގެރޭ 11:00ގައި ކުޅުނު މެޗުގައި ބައްދަލު ކުރީ ވިލާ ކޮލެޖާއި މޯލްޑިވްސް ޕޮލިޓެކްނިކް އެވެ. މި މެޗު އެއްވަރުވީ 1-1 ންނެވެ. ފޯރިގަދަ މި މެޗުގެ ލަނޑުތައް ކާމިޔާބުކުރީ ވިލާ ކޮލެޖުގެ ޖާރޒީ ނަންބަރ 19 މަލީހު މުހައްމަދާއި ޕޮލިޓެކްނިކްގެ ޖާރޒީ ނަންބަރ 11 މުޙައްމަދު ރާއިފް ފަޒީލެވެ. މި މެޗުގައި ވިލާ ކޮލެޖްގެ ޖާރޒީ ނަންބަރ 10 އިބްރާހިމް އިލްހާން އިސްމާއިލް އަދި ޕޮލިޓެކްނިކްގެ ޖާރޒީ ނަންބަރ 10 މުޙައްމަދު ޠާއިފް އަށް ވަނީ ރަތް ކާޑު ދައްކާފައެވެ. މި މެޗުގެ މޮޅުކުޅުންތެރިޔާއަށް ހޮވިފައިވަނީ ވިލާ ކޮލެޖްގެ ގޯލްކީޕަރު އަލީ ޝާހިލްއެވެ.
ބުދަ ދުވަހުގެ ރޭ ކުޅުނު ފަހު މެޗު އެމް.އެން.ޔޫ ބިޒްނަސް ސްކޫލް (އެމް.އެން.ޔޫ.ބީ.އެސް) ބަލިކޮށް 5-2 ގެ ނަތީޖާއިން ކާމިޔާބުކޮށްފައިވަނީ އެމް.ބީ.އެސް އެވެ. މެޗުގެ މޮޅުކުޅުންތެރިޔާއަށް ހޮވިފައިވަނީ މި މެޗުގައި ދެ ލަނޑު ކާމިޔާބުކުރި އެމް.ބީ.އެސް ގެ ޖަރޒީ ނަންބަރު 10 އަހްމަދު އައިހަމްއެވެ. މެޗުގެ ފުރަތަމަ ގޯލް ފުރަތަމަ މިނެޓުގައި އެމް.ބީ.އެސް ގެ ޖަރޒީ ނަންބަރު 09 އަލީ ހައިޒަމް އަހްމަދު ކާމިޔާބުކޮށްފައިވާއިރު ދެ ވަނަ ލަނޑު ޖެހީ މެޗުގެ ދެވަނަ މިނެޓުގައި ހަމަ އެޓީމުގެ ޖަރޒީ ނަންބަރު 13 ހަމްދޫން އަބްދުލް ލަތީފްއެވެ. އެމް.ބީ.އެސްގެ ފަސްވަނަ ގޯލަކީ އެމް.އެން.ޔޫ.ބީ.އެސް ގެ ޖަރޒީ ނަންބަރު 07 އަލީ ނިހާދު އަތުން ބައިކޮޅަށް ވަން ގޯލެކެވެ. އެމް.އެން.ޔޫ.ބީ.އެސް އިން ކާމިޔާބުކުރި ފުރަތަމަ ގޯލު އެ ޓީމުގެ ޖަރޒީ ނަންބަރު 17 އިބްރާހިމް އާތިފް ކާމިޔާބުކުރި އިރު ދެވަނަ ގޯލު ކާމިޔާބުކޮށްފައިވަނީ ޖާރޒީ ނަންބަރު 11 މުހައްމަދު އަނާންއެވެ.
ލެކްނޯ އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ ޓައިޓްލް ސްޕޮންސަރަކީ އެމް.ޔޫ ސްޓޯރުން އެތެރެކުރާ ”ލެކްނޯ“ ބްރޭންޑެވެ. މުބާރާތުގެ ކޯ-ސްޕޮންސަރަކީ ޤައުމީ ޔުނިވަރސިޓީގެ ކުންފުނި ޔުނިވިޔަ ހޯލްޑިންގްސް އެވެ. ސަޕޯޓިންގ ޕާޓްނަރުންނަކީ މޯލްޑިވްސް ޓްރޭޑިންގ އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ)، މެންހަޓަން ބިޒްނަސް ހޮޓެލް، އޮންލައިން ނިއުސް ޢަދަދު، މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓް އަދި ފުޓްބޯލް އެސޯސިއޭޝަން އޮފް މޯލްޑިވްސް (އެފް.އޭ.އެމް) އެވެ. ސްޕޯޓްސް ޕާޓްނަރަކީ ސޮނީ ސްޕޯޓްސް އެވެ. މުބާރާތުގެ ޑިޖިޓަލް ޕާޓްނަރަކީ ދިރާގު ކަމަށްވާއިރު، ކިޓް ޕާޓްނަރަކީ ޕްރިންޓް ކޯއެވެ. ޕްރިންޓިންގ ޕާޓްނަރަކީ އެމް ސެވަން އެވެ. އަދި އެސޯސިއޭޓިވް ޕާޓްނަރަކީ އަދަދު އޮންލައިންއެވެ.
އެމް.އެން.ޔޫ.އެސް.ޔޫ ފުޓްސަލް ފިއެސްޓާ އަކީ ދިވެހިރާއްޖޭގެ މަތީ ސާނަވީ ދާއިރާގައި ބާއްވާ އެންމެ ބޮޑު ކުޅިވަރު ޙަރަކާތެވެ. މި މުބާރާތް ރާވާ އިންތިޒާމު ކުރަނީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިންނެވެ. މި އަހަރު މި ބާއްވަނީ މީގެ 8 ވަނަ މުބާރާތެވެ. މިއަހަރުގެ މުބާރާތް މި ބޭއްވެނީ ކޮވިޑް-19ގެ ޢާލަމީ ވަބާއާއެކު 2 އަހަރުގެ މެދުކެނޑުމަކަށްފަހުއެވެ. އެންމެ ފަހުން 2019 ވަނަ އަހަރު ބޭއްވި މުބާރާތުގެ ފިރިހެން ޑިވިޝަނުގެ ޗެމްޕިއަނަކީ އެވިޑް ކޮލެޖެވެ. އަދި އަންހެން ޑިވިޝަނުގެ ޗެމްޕިއަނަކީ އެމް.އައި ކޮލެޖެވެ. މި މުބާރާތް އެންމެ ފުރަތަމަ ބޭއްވުނީ 2013 ވަނަ އަހަރެވެ. އެއަށްފަހު 2019 ވަނަ އަހަރާ ހަމައަށް މެދުކެނޑުމެއްނެތި ކޮންމެ އަހަރަކު މި މުބާރާތް ކުރިއަށް ގެންދެވިފައިވެއެވެ. މުބާރާތުގައި އަންހެން ޑިވިޝަން ތަޢާރަފު ކުރެވުނީ 2018 ވަނަ އަހަރެވެ. މި މުބާރާތުގެ އެންމެ ކާމިޔާބު ޓީމަކީ މުބާރާތުގެ ފިރިހެން ޑިވިޝަނުގެ ތަށި 3 ފަހަރު ޙާޞިލުކޮށްފައިވާ އެމް.އެން.ޔޫ ބިޒްނަސް ސްކޫލެވެ.
