ިވެހިރާއްޖޭގެ ޤައުމީ ޔުނިވާރސިޓީ ދަރިވަރުންގެ ޔޫނިއަނުން ބާއްވާ “ ބީ.އެމް.އެލް އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2024 ”ގެ ރޭ ކުޅުނު ފިރިހެން ޑިވިޝަނުގެ ގުރޫޕް އޭގެ ދެ މެޗުގައި ޕޮލިޓްކްނިކް މެޗުން މޮޅުވިއިރު، ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލަޖީ (ފެސްޓް) އަދި ސެންޓަރ ފޯ ފައުންޑޭޝަން ސްޓަޑީޒް (ސީ.އެފް.އެސް) ބައްދަލުކުރި މެޗު ވަނީ އެއްވަރުވެފައެވެ.
ހުޅުމާލެ ރެހެންދި ފުޓްސަލް ދަނޑުގެ ގުރައުންޑް އެކެއްގައި ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސް (އެފް.އެޗް.ޓީ.އެސް) އާއި މޯލްޑިވްސް ޕޮލިޓެކްނިކް ބައްދަލު ކުރި މެޗު 2-0 ގެ ނަތީޖާއަކުން ޕޮލިޓެކްނިކުން ވަނީ ކާމިޔާބުކޮށް މުބާރާތުގެ ފެށުން ރަގަޅުކޮށްފައެވެ. ޕޮލިޓެކްނިކް ޓީމުގެ ލަނޑުތައް އެ ޓީމަށް ކާމިޔާބުކޮށްދީފައިވަނީ ޖާޒީ ނަމްބަރ 05 އަފްޒަލް މުހައްމަދުއެވެ. އަދި މި މެޗުގެ މޮޅު ކުލުންތެރިޔާއަށް ވެސް ހޮވިފައިވަނީ
ރޭ ރެހެންދި ފުޓްސަލް ގުރައުންޑް ދޭއްގައި ކުޅެވުނު ދެވަނަ މެޗުގައި ފެސްޓް އަދި ސީ.އެފް.އެސް ބައްދަލުކުރި މެޗު، ފެސްޓުން ފުރަތަމަ ހާފުގައި 2 ލަނޑުޖަހައި މެޗުގެ ލީޑު ނަގައިފައިވަނިކޮށް ދެވަނަ ހާފުގައި ސީ.އެފް،އެސް އިން ވަނީ ފަހަތުން އަރާ ދެ ލަނޑުޖަހައި ނަތީޖާ ހަމަހަމަކޮށްފައެވެ. ފެސްޓްގެ ޓީމަށް ފުރަތަމަ ލަނޑު ކާމިޔާބުކޮށްދީފައިވަނީ ޖާޒީ ނަމްބަރ 19 އަލީ ސަމޫހްއެވެ. އަދި ލީޑް ފުޅާކޮށްދިން ދެވަނަ ލނޑު ޖަހައިފައިވަނީ ޖާޒީ ނަމްބަރ 08 އަބުދުﷲ ފައިޒާންއެވެ.
ދެވަނަ ހާފުގައި ސީ.އެފް.އެސް އަށް ލަނޑުތައް ކާމިޔާބުކޮށްދީފައިވަނީ އެ ޓީމުގެ ޖާޒީ ނަމްބަރ 10 އިބްރާހިމް އައިހަމް އެވެ. ފޯރިގަދަ ކުޅުމެއް ފެނިގެން ދިޔަ މި މެޗުގެ މޮޅު ކުޅުންތެރިޔަކަށް ހޮވިފައިވަނީވެސް ސީ.އެފް.އެސް ޓީމުގެ އައިހަމް އެވެ.
މި މުބާރާތުގެ ގުރޫޕް ސްޓޭޖްގެ ގިނަ މެޗުކަތެއް މާދަމާ ކުޅެވިގެންދާނެއެވެ. އެގޮތުން އަންހެން ޑިވިޝަނުގެ 4 މެޗު ހަވީރު ކުޅުމަށް ހަމަޖެހިފައިވާއިރު، ފިރިހެން ޑިވިޝަނުގެ 8 މެޗު ރޭގަނޑަށް ވަނީ ތާވަލުކުރެވިފައެވެ.
ދިވެހިރާއްޖޭގެ މަތީ ތައުލީމީ ދާއިރާއަށް ހުޅުވާލެވިގެން ކުރިއަށްގެންދާ މި މުބާރާތުގައި އެމް.އެން.ޔޫގެ 10 ފެކަލްޓީގެ އިތުރުން އެހެނިހެން 8 ކުލެޖް، ޔުނިވާސިޓީއަކުން ވަނީ ބައިވެރިވެފައެވެ. މިއަހަރުގެ މުބާރާތް ކުރިއަށް ދާނީ މިމަހުގެ 24 އިން ނޮވެމްބަރ 08 ގެ ނިޔަލަށެވެ.
