ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ ގައި މިރޭކުޅެވިގެންދިޔަ ފިރިހެން ޑިވިޝަނުގައި މޯލްޑިވް ބިޒްނަސް ސްކޫލް (އެމް.ބީ.އެސް)
އަދި އެމް.އެން.ޔޫ ބިޒްނަސް ސްކޫލް (އެމް.އެން.ޔޫ ބީ.އެސް) ކުޅުނު މެޗުތައް ކާމިޔާބުކޮށް،މުބާރާތުގެ ފެށުން ގަދަކޮށްފިއެވެ.
މިއަދުގެ ރޭގަނޑުގެ ދަންފަޅީގެ 6 މެޗެއް ކުޅެވިގެން ދިޔައިރު، ފުރަތަމަ މެޗުގައި ބައްދަލުކޮށްފައިވަނީ ފެކަލްޓީ އޮފް އެޑިއުކޭޝަން (އެފް.އީ) އަދި ފެކަލްޓީ އޮފް އަރޓްސް (އެފް.އޭ)އެވެ. އެފް.އީ ޓީމުގެ ޖަރޒީ ނަމްބަރ 10 ރައުހާން ރިއްފަތުގެ ހެޓްރިކާއެކު، 05-01ގެ ނަތީޖާއަކުންއެފް.އީގެ ޓީމުން ވަނީ އެފް.އޭގެ މައްޗަށް ކުރި ހޯދާފައެވެ. މި މެޗުގެ މޮޅު
ކުޅުންތެރިޔާގެ މަޤާމުވެސް ހާސިލްކޮށްފައިވަނީ ވެސް ރައުހާން ރިއްފަތުއެވެ.
ފެކަލްޓީ އޮފް ޝަރީޢާ އެންޑް ލޯ (އެފް.އެސް.އެލް) އަދިކްލިކް ކޮލެޖް ވާދަކުރި މެޗުގައި އެފް.އެސް.އެލް އިން މެޗުގެ ލީޑް ނަގާފައި ވަނިކޮށް ކްލިކް ކޮލެޖުންވަނީ ފަހަތުން އަރާ 03-02ގެ ނަތީޖާއަކުން މެޗު ކާމިޔާބުކޮށްފައެވެ. މި މެޗުގެ މޮޅު ކުޅުންތެރިޔާއަކަށް ހޮވިފައިވަނީ ކްލިކް ކޮލެޖު މޮޅު ކޮށްދިން ލަނޑު އެޓީމަށް ހާސިލްކޮށްދިން ޖަރޒީ ނަމްބަރ 09 ޒައިދާން މުހައްމަދުއެވެ.
މިރޭގެ އެންމެ ގިނަ ގޯލު ފެނިގެން ދިޔަ މެޗުކަމަށްވާސްކޫލް އޮފް މެޑިސިންގ (އެސް.އެމް) އަދި އެމް.އެން.ޔޫ ބީ.އެސް ނަބައްދަލުކުރި މެޗު
އެމް.އެން.ޔޫ ބީ.އެސް އިން ކާމިޔާބުކޮށްފައިވަނީ 14-03 ގެ ނަތީޖާއަކުންނެވެ. މިމެޗުގެ އެންމެ މޮޅު ކުޅުންތެރިޔާގެ މަޤާމު ހާސިލްކޮށްފައި ވަނީ އެމް.އެން.ޔޫ ބީ.އެސްގެ ޓީމަށް ގިނަ ލަނޑުތަކެއް ޖަހައިދިން އެ ޓީމުގެ ޖަރޒީ ނަމްބަރ 21 އަހުމަދުﷲ މުހައްމަދުސަދަތުއެވެ.
މިރޭގެ 4 ވަނަ މެޗުގައި ވިލާ ކޮލެޖު އަދި ދިވެހިރާއްޖޭގެ އިސްލާމިކް ޔުނިވަރސިޓީ (އައި.ޔޫ.އެމް) ވާދަކޮށް ވިލާ ކޮލެޖުން ވަނީއައި.ޔޫ.އެމްގެ މައްޗަށް ކުރިހޯދާފައެވެ. މި މެޗުގެ ނަތީޖާ އަކީ 05-01 އެވެ. މޮޅު
ކުޅުންތެރިޔާ އަކަށް ހޮވިފައިވަނީ މި މެޗުގައި ހެޓްރިކް ކާމިޔާބުކުރި ވިލާގެ ޖަރޒީނަމްބަރ 13 އަހުމަދު އައުސަމް ހުސައިންނެވެ.
އެމް.ބީ.އެސް އާއި ފެކަލްޓީ އޮފް ހޮސްޕިޓާލިޓީ
އެންޑް ޓޫރިޒަމް ސްޓަޑީޒް (އެފް.އެޗް.ޓީ.އެސް) ބައްދަލުކުރި މްޗުގައި އެފް.އެޗް.ޓީ.އެސްއަށް ލަނޑެއް ކާމިޔާބުކުރެވިފައި ނުވާއިރު، އެމް.ބީ.އެސް އިން ވަނީ 7 ލަނޑު
ކާމިޔާބުކޮށް ފަސޭހަ މޮޅެއް ހޯދާފައެވެ. އެމް.ބީ.އެސްގެ ޖަރޒީ ނަމްބަރ 07 އައިރޫން އަހުމަދު ރަޝީދު ވަނީ މި މެޗުގެ މޮޅު ކުޅުންތެރިޔާގެ މަޤާމު ހާސިލްކޮށްފައެވެ.
މިރޭގެ އެންމެ ފަހު މެޗުގައި ސެންޓަރ ފޯ ފައުންޑޭޝަން (ސީ.އެފް.އެސް)
އަދި ފެކަލްޓީ އޮފް އިންގިނިއަރިންގ ސައިންސް އެންޑް ޓެކްނޮލޮޖީ (ފެސްޓް) ބައްދަލުކުރިމެޗު ވާދަވެރި ކުޅުމަކަށްފަހު 04-02ގެ ނަތީޖާއަކުން މެޗު ކާމިޔާބުކޮށްފައިވަނީ ފެސްޓްއެވެ. މި މެޗުގެ މޮޅު ކުޅުންތެރިޔާގެ މަޤާމު ހާސިލްކޮށްފައިވަނީ މި މެޗުގައިހެޓްރިކް ހެދި ފެސްޓް ޓީމުގެ ޖަރޒީ ނަމްބަރ 08 އަބްދުﷲ ފައިޒާން އެވެ.
ފޯރިގަދަ މެޗުތަކެއް ފެނިގެންދާ މި މުބާރާތުގެ ފިރިހެން ޑިވިޝަނުގެ އިތުރު މެޗުތަކެއް މާދަމާ އަށް ވެސް ވަނީ ތާވަލުކުރެވިފައެވެ.
މިއަހަރުގެ މުބާރާތުގެ ޓައިޓްލް ސްޕޮންސަރަކީ ދިރާގެވެ.ކޯ-ސްޕޮންސަރަކީ ލިއެން ޝުއޭ ޝިން ނޫޑްލް ރެސްޓޯރެންޓެވެ. މުބާރާތުގެ ބޭންކިން
ޕާޓްނަރަކީ ބޭންކް އޮފް މޯލްޑިވްސް (ބީ.އެމް.އެލް) އެވެ. މުބާރާތުގެ ކިޓްޕާޓްނަރަކީ މެނީ މޯލްޑިވްސް އެވެ. އަދި މީޑިއާ ޕާޓްނަރަކީ ވޮއިސް ސްޕޯޓްސް އެވެ.
މުބާރާތުގެ ސްޕޮންސަރުންގެ ތެރޭގައި ކުޅިވަރާއި ހަށިހެޔޮކަމާ ބެހޭ ވުޒާރާ އާއިސްޓޭޓް ޓްރޭޑިން އޯގަނައިޒޭޝަން (އެސް.ޓީ.އޯ) އަދި އެލައިޑް އިންޝުއަރެންސް ހިމެނޭއިރު، މުބާރާތުގެ ޕާޓްނަރުންގެ ތެރޭގައި ގޯލްޑަން ފުޓްސަލް އެސޯސިއޭޝަން،ޔުނިވިޔަ، މާލެ ސިޓީ ކައުންސިލް އަދި އޮބިއޮން ހިމެނެއެވެ.
