ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2025 ގެ ފިރިހެން ޑިވިޝަނުގައި ބުރާސްފަތިދުވަހު ފުރަތަމަ ކުޅުނު މެޗުތަކުން އެމް.އެން.ޔޫ ބިޒްނަސް ސްކޫލާއި ފެކަލްޓީ އޮފް އާޓްސް އެއްވަރުވިއިރު، ފެކަލްޓީ އޮފް ޝަރީޢާ އެންޑް ލޯ އާ ވާދަކޮށް، 2-0ގެ ނަތީޖާއަކުން އެމް.އައި ކޮލެޖުން މެޗު ކާމިޔާބުކޮށްފިއެވެ.
ގްރައުންޑް 1 ގައި ކުޅުނު މެޗުގައި ހަމަހަމަ ކުޅުމެއް ފެނިފައިވާއިރު، މެޗުގެ މޮޅު ކުޅުންތެރިޔަކަށް ހޮވިފައިވަނީ ފެކަލްޓީ އޮފް އާޓްސްގެ ޖަރޒީ ނަންބަރު 3 ޔުސްރާ ޔޫސުފެވެ.
ގްރައުންޑް 2 ގައި ކުޅުނު މެޗުން އެމް.އައިގެ މޮޅު ކުޅުމެއް ފެނިފައިވާއިރު، އެމް.އައި ކޮލެޖު މޮޅުވީ 2 – 0 ގެ ނަތީޖާއަކުންނެވެ. މި މެޗުގެ މޮޅު ކުޅުންތެރިޔަކަށް ހޮވިފައިވަނީ އެމް.އައި ކޮލެޖުގެ ޖާޒީ ނަންބަރު 15 އާމިނަތު އަމީޝާއެވެ.
މި މަހުގެ 15 އިން 30ގެ ނިޔަލަށް ކުރިއަށް ގެންދިޔުމަށް ހަމަޖެހިފައިވާ މި މުބާރާތުގައި ޖުމުލަ 27 ޓީމު ވަނީ ބައިވެރިވެފައެވެ. މި މުބާރާތުގެ ހުރިހާ މެޗެއްވެސް ކުޅުމަށް ހަމަޖެހިފައިވަނީ ހުޅުމާލެ ރެހެންދި ދަނޑުގައެވެ.
މިއަހަރުގެ މުބާރާތުގެ ޓައިޓްލް ސްޕޮންސަރަކީ ދިރާގެވެ. ކޯ-ސްޕޮންސަރަކީ ލިއެން ޝުއޭ ޝިން ނޫޑްލް ރެސްޓޯރެންޓެވެ. މުބާރާތުގެ ބޭންކިން ޕާޓްނަރަކީ ބޭންކް އޮފް މޯލްޑިވްސް (ބީ.އެމް.އެލް) އެވެ. މުބާރާތުގެ ކިޓް ޕާޓްނަރަކީ މެނީ މޯލްޑިވްސް އެވެ. އަދި މީޑިއާ ޕާޓްނަރަކީ ވޮއިސް ސްޕޯޓްސް އެވެ. މުބާރާތުގެ ސްޕޮންސަރުންގެ ތެރޭގައި ކުޅިވަރާއި ހަށިހެޔޮކަމާ ބެހޭ ވުޒާރާ އާއި ސްޓޭޓް ޓްރޭޑިން އޯގަނައިޒޭޝަން (އެސް.ޓީ.އޯ) އަދި އެލައިޑް އިންޝުއަރެންސް ހިމެނޭއިރު، މުބާރާތުގެ ޕާޓްނަރުންގެ ތެރޭގައި ގޯލްޑަން ފުޓްސަލް އެސޯސިއޭޝަން، ޔުނިވިޔަ، މާލެ ސިޓީ ކައުންސިލް އަދި އޮބިއޮން ހިމެނެއެވެ.
