ދިރާގު އެމް.އެން.ޔޫ.އެސް.ޔޫ ފުޓްސަލް ފިއެސްޓާ 2025ގެ ކުއާޓަރ ފައިނަލްގައި މޯލްޑިވްސް ބިޒްނަސް ސްކޫލުން (އެމް.ބީ.އެސް) އެމް.އެން.ޔޫ ބިޒްނަސް ސްކޫލުގެ މައްޗަށް ކުރި ހޯދައި، ދެ ޑިވިޜަނުގެވެސް ސެމީ ފައިނަލަށް އެމް.ބީ.އެސް ދަތުރުކޮށްފި އެވެ.
ރޭ ހުޅުމާލޭ ރެހެންދި ދަނޑުގައި ކުޅުނު ފިރިހެން ޑިވިޜަނުގެ މެޗު މެޗު އެމް.ބީ.އެސް އިން ކާމިޔާބުކޮށްފައިވަނީ 3-2ގެ ނަތީޖާއަކުން އެމް.އެން.ޔޫ ބިޒްނަސް ސްކޫލުގެ މައްޗަށް ކުރި ހޯދައިގެންނެވެ. އަދި އަންހެން ޑިވިޜަނުގެ މެޗު އެމް.ބީ.އެސް އިން ކާމިޔާބުކުރީ 1-1ގެ ނަތީޖާއަކުން މެޗު އެއްވަރުވެ، ޕެނަލްޓީއަށްފަހު 4-3ގެ ނަތީޖާއަކުން މޮޅުވެގެންނެވެ.
ފިރިހެން ޑިވިޜަނުގެ މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޖޯޒީ ނަންބަރު 17 މަރިޔަމް މަލާކް ޝަކީބެވެ.
ފއަންހެން ޑިވިޜަނުގެ މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ އެމް.ބީ.އެސްގެ ޖޯޒީ ނަންބަރު 77 ކައިސާން ބިން ހިޔާޒެވެ.
ސެމީ ފައިނަލުގައި އެމް.ބީ.އެސްގެ އަންހެން ޓީމު ބައްދަލުކުރާނީ ފެކަލްޓީ އޮފް ހެލްތު ސައިންސަސްއާ އެވެ. އަދި ފިރިހެން ޓީމު ބައްދަލުކުރުމަށް ހަމަޖެހިފައިވަނީ މޯލްޑިވްސް ޕޮލިޓެކްނިކާއެވެ.
މި މުބާރާތުގެ ސެމީ ފައިނަލުގެ މެޗުތައް ކުޅުމަށް ހަމަޖެހިފައިވަނީ އަންގާރަދުވަހުގެ ރޭ ހުޅުމާލެ ރެހެންދި ދަނޑުގައެވެ.
މި މަހުގެ 15 އިން 30ގެ ނިޔަލަށް ކުރިއަށްގެންދިޔުމަށްހަމަޖެހިފައިވާ މި މުބާރާތުގައި ޖުމުލަ 27 ޓީމު ވަނީ ބައިވެރިވެފައެވެ. މި މުބާރާތުގެ ހުރިހާ މެޗެއްވެސް ކުޅުމަށް ހަމަޖެހިފައިވަނީ ހުޅުމާލެ ރެހެންދި ދަނޑުގައެވެ.
މިއަހަރުގެ މުބާރާތުގެ ޓައިޓްލް ސްޕޮންސަރަކީ ދިރާގެވެ. ކޯ-ސްޕޮންސަރަކީ ލިއެން ޝުއޭ ޝިން ނޫޑްލް ރެސްޓޯރެންޓެވެ. މުބާރާތުގެ ބޭންކިން ޕާޓްނަރަކީ ބޭންކް އޮފް މޯލްޑިވްސް (ބީ.އެމް.އެލް) އެވެ. މުބާރާތުގެ ކިޓް ޕާޓްނަރަކީ މެނީ މޯލްޑިވްސް އެވެ. އަދި މީޑިއާ ޕާޓްނަރަކީ ވޮއިސް ސްޕޯޓްސް އެވެ. މުބާރާތުގެ ސްޕޮންސަރުންގެ ތެރޭގައި ކުޅިވަރާއި ހަށިހެޔޮކަމާ ބެހޭ ވުޒާރާ އާއި ސްޓޭޓް ޓްރޭޑިން އޯގަނައިޒޭޝަން (އެސް.ޓީ.އޯ) އަދި އެލައިޑް އިންޝުއަރެންސް ހިމެނޭއިރު، މުބާރާތުގެ ޕާޓްނަރުންގެ ތެރޭގައި ގޯލްޑަން ފުޓްސަލް އެސޯސިއޭޝަން، ޔުނިވިޔަ، މާލެ ސިޓީ ކައުންސިލް އަދި އޮބިއޮން ހިމެނެއެވެ.
