ސެންޓަރ ފޯރ ފައުންޑޭޝަން ސްޓަޑީޒްގެ ގޮފި ތަރަހަ އާއި އެމްއެންޔޫ ބިޒްނަސް ސްކޫލްގެ ގޮފި ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީއެސްއެސްއޭ) އިން ރާވައިގެން ކުރިޔަށް ގެންދާ ތަރަހަ، ބީއެސްއެސްއޭ އެނުއަލް ކޮމިއުނިޓީ ޓްރިޕް މިމަހު 11 ގައި ބާއްވާ ގޮތަށް ހަމަޖެހިއްޖެއެވެ.
ތަރަހައިން އިސްނަގައިގެން މިދިޔަ އަހަރު ބާއްވަންފެށި އެނުއަލް ޓްރިޕް އަކީ ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމްއެންޔޫއެސްޔޫ) ގެ ގޮތްޕަކުން ރާވައި އިންތިޒާމް ކުރާ އެންމެ ބޮޑު ހަރަކާތެވެ.
މިއަހަރުގެ އެނުއަލް ޓްރިޕްގައި ތަރަހައިގެ އިތުރުން ބީއެސްއެސްއޭ އިން ބައިވެރިވާ ގޮތަށް ހަމަޖެހިފައިވާ އިރު މި އަހަރުގެ ދަތުރުގައި 70 ދަރިވަރުން ބައިވެރިވާނެއެވެ.
މިއަހަރުގެ އެނުއަލް ޓްރިޕް ދިޔުމަށް ހަމަޖެހިފައިވަނީ ކ. މާފުއްޓަށެވެ. އެގޮތުން މި ދަތުރުގައި މާފުށިގައި ކޮމިއުނިޓީ އިވެންޓް އެއް ބޭއްވުމުގެ އިތުރުން މަޖާ މާހައުލެއްގައި ދަރިވަރުންނަށް ހޭދަ ކޮށްލުމުގެ ފުރުސަތު ލިބިގެންދާނެއެވެ.