ހިތަދޫ ކެމްޕަހުގައި ޤާއިމުކުރެވިފައިވާ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ދޮންދީނި ގޮފީގައި އިންތިޚާބަށް ގޮސްފައިވާ މަޤާމުތަކުގެ ވޯޓުލުން މިއަދު (2020 ފެބުރުއަރީ 27) މެންދުރު 11:00ން ފެށިގެން ކުރިއަށް އެބަދެއެވެ.
އިންތިޚާބަކަށް ގޮސްފައިވަނީ ޖުމްލަ 4 މަޤާމެވެ. އެއީ:
- ރައީސް
- ނައިބު ރައީސް (ޢިލްމީ)
- ނައިބު ރައީސް (ޢަމަލީ)
- މީޑިއާ ކޯޑިނޭޓަރ
މި އިންތިޚާބުގައި ބެހެއްޓިފައިވަނީ އެންމެ ވޯޓުފޮށްޓެކެވެ.
ކުރިޔަށް މިދާ އެމް.އެން.ޔޫ.އެސް.ޔޫ ދޮންދީނި ގޮފީގެ އިންތިޚާބުގައި ޖުމްލަ 309އަށް ވުރެ ގިނަ ދަރިވަރުން ވަނީ ވޯޓު ލެވޭ ލިސްޓުގައި ރަޖިސްޓަރ ވެފައެވެ. މި ވޯޓު ފޮށި ބަންދުކުރުމަށް ހަމަޖެހިފައިވަނީ މިރޭގެ 7:30 ގައެވެ.
މި އިންތިޚާބުގައި ވޯޓުލުމަށް ހާޒިރުވާއިރު، އެމް.އެން.ޔޫގެ ސްޓޫޑެންޓް އައިޑީ ކާޑު ހިފައިގެން ހާޒިރުވުމަށް ސަމާލުކަންދޭންވާނެއެވެ. އަދި ސްޓޫޑެންޓް އައިޑީ ކާޑު ނެތްނަމަ، ވޯޓަރސް ގެރެންޓީ ސްލިޕްކޮޅާއެކު ދިވެހި ރައްޔިތެއްކަން އަންގައިދޭ ކާޑު ބޭނުންވާނެއެވެ.
ލިޔުނީ: މައިސަރާ ޢަބްދުއްސައްތާރު،
އެސިސްޓެންޓް ސެކްރެޓަރީ، އެމް.އެން.ޔޫ.އެސް.ޔޫ
