ދޮންދީނި ގޮފީގެ އިންތިޚާބުގައި %57.2 ދަރިވަރުން ވޯޓުލައި ތާރީޚު ބަދަލުކޮށްފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ކެމްޕަސް ގޮތްޕެއްގެ އިންތިޚާބެއްގައި މިހާތަނަށް އެންމެ ގިނަ ދަރިވަރުން ވޯޓުލީ އިންތިޚާބަކަށް ބުރާސްފަތިދުވަހު ބޭއްވުނު ދޮންދީނި ގޮފީގެ އިންތިޚާބުވެއްޖެއެވެ.

މި އިންތިޚާބުގައި ޖުމްލަ 177 ދަރިވަރުން ވޯޓުލިއިރު، މިއީ އެ ކެމްޕަހުގައި ކިޔަވާ ދަރިވަރުންގެ %57.2 ނިޞްބަތެވެ. މިއާއެކު މި އިންތިޚާބަކީ އެމް.އެން.ޔޫ.އެސް.ޔޫގެ ގޮފިތަކުގެ އިންތިޚާބުގެ ތާރީޚުގައިވެސް ނިޞްބަތުން އެންމެ ގިނަ ދަރިވަރުން ވޯޓުލީ އިންތިޚާބަށެވެ.

2020 ފެބުރުވަރީ 27ގައި ބޭއްވުނު މި އިންތިޚާބުގައި ޖުމްލަ 4 މަޤާމަކަށް 8 ދަރިވަރަކުވަނީ ވާދަކޮށްފައެވެ. ދޮންދީނި ގޮފީގެ 3 ވަނަ ދައުރުގެ ހިންގާ ކޮމިޓީ ހޮވުމަށް ބޭއްވުނު މި އިންތިޚާބުގެ ވަގުތީ ނަތީޖާ ތިރީގައި އެވަނީ އެވެ.

މަޤާމު: ރައީސް

1. އާމިނަތު ރީޝަމް ރަޒީން، 56 ވޯޓް
2. ޠާއިފް މަޖީދް، 117 ވޯޓް
   ޞައްޙަ ވޯޓު: 175
   ބާޠިލު ވޯޓު: 2
   ވޯޓުލީ މީހުންގެ ޢަދަދު: 177

މަޤާމު: ނައިބު ރައީސް (ޢިލްމީ)

1. ޙައްވާ ނިޝްއަތު ޝަރީފް، 133 ވޯޓް
2. ފާތިމަތު ޝަހާމާ މުޙައްމަދު، 42 ވޯޓް
   ޞައްޙަ ވޯޓު: 175
   ބާޠިލު ވޯޓު: 2
   ވޯޓުލީ މީހުންގެ ޢަދަދު: 177

މަޤާމު: ނައިބު ރައީސް (ޢަމަލީ)

1. މަރްޔަމް ޝުރުފާ، 105 ވޯޓް
2. ޢާއިޝަތު ހަޝްމާ މަތީން، 71 ވޯޓް
   ޞައްޙަ ވޯޓު: 176
   ބާޠިލު ވޯޓު: 1
   ވޯޓުލީ މީހުންގެ ޢަދަދު: 177

މަޤާމު: މީޑިއާ ކޯޑިނޭޓަރ

1. އާއިޝަތު ލަޔާލް، 75 ވޯޓް
2. މުޙައްމަދު ސީމަން ޙުސައިން، 100 ވޯޓް
   ޞައްޙަ ވޯޓު: 175
   ބާޠިލު ވޯޓު: 02
   ވޯޓުލީ މީހުންގެ އަދަދު: 177

މިއާއެކު، ވަގުތީ ނަތީޖާ ދައްކާގޮތުން، ދޮންދީނި ގޮފީގެ ރައީސްކަމަށް ޠާއިފް މަޖީދު، ނާއިބު ރައީސް (ޢިލްމީ)ގެ މަޤާމަށް ޙައްވާ ނިޝްއަތު ޝަރީފް، ނާއިބު ރައީސް (އަމަލީ)ގެ މަޤާމަށް މަރްޔަމް ޝުރުފާ އަދި މީޑިއާ ކޯޑިނޭޓަރގެ މަޤާމަށް މުޙައްމަދު ސީމަން ޙުސައިން ވަނީ އިންތިޚާބުވެފައެވެ.

ދޮންދީނި ގޮފި އަދި އަހުރަ ގޮފީގެ ހިންގާ ކޮމިޓީ މެންބަރުންނަށް މަޤާމު ޙަވާލުކުރުމުގެ ރަސްމިއްޔާތު ބޭއްވުމަށް ހަމަޖެހިފައިވަނީ 29 ފެބުރުވަރީ 2020ވާ ހޮނިހިރުދުވަހުގެ ރެޔެވެ. މިގޮތުން ދޮންދީނި ގޮފީގެ މަޤާމުތައް ޙަވާލުކުރުމުގެ ރަސްމިއްޔާތުގައި އެމް.އެން.ޔޫ.އެސް.ޔޫގެ ރައީސް ޢަލީ ޝަމްޢޫން އަދި އަހުރަ ގޮފީގެ މަޤާމުތައް ޙަވާލުކުރުމުގެ ރަސްމިއްޔާތުގައި އެމް.އެން.ޔޫ.އެސް.ޔޫ އެޑްވައިޒަރީ ބޯޑުގެ މެންބަރ ޙަސަން ޝާހު ބައިވެރިވާގޮތަށް ވަނީ ހަމަޖެހިފައެވެ.

މީގެ އިތުރުން ކަނޑައެޅިފައިވާ މުއްދަތު ހަމަވިއިރު، ނޭކަ ގޮފި އަދި ގުރުޒު ގޮފީގެ ބައެއް މަޤާމުތަކަށް އެއްވެސް ދަރިވަރަކު ކުރިމަތިލާފައިނުވާތީ، މި މަޤާމުތަކަށް ކުރިމަތިލުމުގެ މުއްދަތުވަނީ، އެމް.އެން.ޔޫ.އެސް.ޔޫ އިންތިޚާބު ކޮމިޓީން، އިތުރުކޮށްފައެވެ.

ލިޔުނީ: މުޙައްމަދު އަޙްނަފް،
މީޑިއާ ކޯޑިނޭޓަރ، އެމް.އެން.ޔޫ.އެސް.ޔޫ