5 ވަނަ ބުރު ވާދަވެރިގޮތަކަށް ޙުސައިން ރާއިފް ކާމިޔާބުކޮށްފި

”އެމް.އެން.ޔޫ.އެސް.ޔޫ ލޮކްޑައުން ޔޫރޯ ފޯރި“ގެ 5 ވަނަ ބުރު ވާދަވެރިގޮތަކަށް ޙުސައިން ރާއިފް ކާމިޔާބުކޮށްފިއެވެ.

ޔޫރޯ 2020ގެ ކުއާޓާ ފައިނަލް މެޗުތައް ހިމެނޭ 5 ވަނަ ބުރުގެ އެއްވަނަ ޙުސައިން ރާއިފް ކާމިޔާބު ކުރީ އިތުރު 2 ބައިވެރިޔަކާ ޕޮއިންޓުގޮތުން އެއްވަރުވުމުން ނެގި ގުރުއަތަކުންނެވެ. ރާއިފްގެ އިތުރުން 10 ޕޮއިންޓާއެކު އެއްވަނައަށް ވާދަކޮށްފައިވަނީ މަރިޔަމް ނަޝާޔާ އާއި ޙުސައިން ފިރާޤެވެ. 5 ވަނަ ބުރުގެ އެއްވަނަ ބައިވެރިޔާއަށް އިނާމު ހަވާލުކޮށްދެއްވީ އެމް.އެން.ޔޫ.އެސް.ޔޫ މީޑިއާ ޓީމުގެ މެމްބަރު، މާޒިން މުޙައްމަދެވެ.

ކުރީ ބުރުތަކާ އަޅާބަލާ، 5 ވަނަ ބުރުގެ ފޯރި ވަނީ އިތުރު ވެފައެވެ. އެގޮތުން، ގަދަ 3 ގައި ޖުމްލަ 11 ބައިވެރިޔަކު ވަނީ ހިމެނިފައެވެ. ޖުމްލަ 8 ޕޮއިންޓާއެކު 2 ވަނައަށް 4 ބައިވެރިޔަކު ގޮސްފައިވާއިރު، 7 ޕޮއިންޓާއެކު 3 ވަނަ އަށްވެސް ވަނީ 4 ބައިވެރިޔަކު ގޮސްފައެވެ.

7 ބުރަކަށް ބަހާލައިގެން ކުރިއަށްގެންދާ  މި މުބާރާތުގެ ކޮންމެ ބުރެއްގައި އެންމެ ގިނަ ޕޮއިންޓް ހޯދާ ފަރާތަށް  ”ސަޕްރައިޒް“ އިނާމެއް ހުށަހެޅިފައިވާއިރު މުޅި މުބާރާތުގައި އެންމެ ގިނަ ޕޮއިންޓް ހޯދާ 3 ފަރާތަށް އަގުހުރި އިނާމުތަކެއްވަނީ ހުށަހެޅިފައެވެ. ޖުމްލަ 44 މެޗު ކުޅެވި މުބާރާތުގެ 4 ބުރު ނިމިފައިވާއިރު މިހާތަނަށް މި މުބާރާތުގައި 118 ފަރާތަކުން ވަނީ ބައިވެރިވެފައެވެ

މި މުބާރާތުން އެއްވަނަ އަށް ހޮވޭ ފަރާތަކަށް މި މުބާރާތުގެ މެއިން ސްޕޮންސަރ ”ޕްރޯ ސޮކާ“ ގެ ފަރާތުން ފުޓްސަލް ނުވަތަ ފުޓްބޯޅަ ބޫޓެއް ދިނުމަށް ވަނީ ނިންމާފައެވެ. ދެވަނަ އަށް ދާ ފަރާތަކަށް އެމް.އެން.ޔޫ.އެސް.ޔޫގެ ފަރާތުން ފުޓްސަލް ބޯޅައެއް ދިނުމަށް ނިންމާފައިވާއިރު، 3 ވަނަ އަށް ދާ ފަރާތަކަށް އެ ފަރާތަކަށް އެންމެ ކަމުދާ ޓީމެއްގެ ޖާޒީ ދިނުމަށް ވަނީ ނިންމާފައެވެ. އަދި މީގެން ކޮންމެ ފަރާތަކަށް ސަޕްރައިޒް އިނާމެއް ދިނުމަށްވެސް އެމް.އެން.ޔޫ.އެސް.ޔޫ އިން ވަނީ ނިންމާފައެވެ.

މުބާރާތުގެ 6 ވަނަ ބުރު އަންގާރަ ދުވަހު (6 ޖުލައި 2021) ފެށޭނެއެވެ. 6ވަނަ ބުރުގައި ހިމެނޭނީ ސެމީ ފައިނަލްގެ 2މެޗެވެ. މުބާރާތުގެ ބައިވެރިންގެ ޖުމްލަ ޕޮއިންޓް ޓޭބަލް އަދި ރައުންޑްގެ ޕޮއިންޓް ޓޭބަލް ބަލާލެވޭ ު އެމް.އެން.ޔޫ.އެސް.ޔޫ ފޭސްބުކް ޕޭޖަށް އަރުވާ މުބާރާތުގެ ޕޯސްޓްތަކާއެކު ހިމެނިފައިވާނެއެވެ.

މި މުބާރާތުގެ މަޤްޞަދަކީ ޔޫރޯ މުބާރާތުގެ ފޯރި އާންމުންގެ ތެރޭގައި އިތުރުކުރުމާއި، މާލޭގެ ފުރަބަންދު ޙާލަތުގައި ގޭގައި ތިބެގެން ޝައުޤުވެރިކަމާއެކު ބައިވެރިވެވޭނެ ޙަރަކާތެއް ޢާންމުންނާ ހަމައަށް ގެނެސްދިނުމެވެ. މުބާރާތުގެ މެއިން ސްޕޮންސަރ އަކީ ”ޕްރޯ ސޮކާ“ އެވެ.