އެމް.އެން.ޔޫ.އެސް.ޔޫ ލޮކްޑައުން ޔޫރޯފޯރި ގިވްއަވޭގެ ނަސީބުވެރިއަކަށް މާރިޔަތު އުނޫޝާ ހޮވިއްޖެއެވެ.
ޔޫރޯ 2020އާއި ދިމާކޮށްގެން އެމް.އެން.ޔޫ.އެސް.ޔޫއިން ކުރިޔަށްގެންދާ ”ލޮކްޑައުން ޔޫރޯ ފޯރި“ މުބާރާތުގެ ފޯރިއިތުރުކޮށް، ޝައުގުވެރިކަން އިތުރުކުރުމުގެ ގޮތުން ”ލޮކްޑައުން ޔޫރޯފޯރި ގިވްއަވޭ“ ގެ ނަމުގައި ކުރިއަށް ގެންދިޔަ މިގިވްއަވޭގެ ނަސީބުވެރިއަކަށް އުނޫޝާ ހޮވުނީ، ބައިވެރިވި 29 ފަރާތުގެ މެދުގައި ނެގުނު ގުރުއަތަކުންނެވެ. ގުރުއަތުލުން ބޭއްވިފައިވަނީ އެމް.އެން.ޔޫ.އެސް.ޔޫ ފޭސްބުކް ޕޭޖު މެދުވެރިކޮށެވެ.
ނަސީބުވެރިއަކަށް ހޮވޭ ފަރާތަކަށް، ޔޫރޯ 2020 ގައި ވާދާކުރާ ޓީމުތަކުގެ ތެރެއިން އެފަރާތެއް ސަޕޯޓުކުރާ ޓީމެއްގެ ޖާރޒީއެއް ލިބޭގޮތަށް އެމް.އެން.ޔޫ.އެސް.ޔޫ ފޭސްބުކް ޕޭޖު މެދުވެރިކޮށް 2021 ޖުލައި 7 ވަނަ ދުވަހުންފެށިގެން 2021 ޖުލައި 10 ވަނަ ދުވަހުގެ ނިޔަލަށް ކުރިއަށް ގެންދިޔަ މިގިވްއަވޭގެ ނަސީބުވެރިޔާއަށް އިނާމު ހަވާލުކޮށްދެއްވީ އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް) ހުސައިން ޒައިދު އެވެ.
އެގޮތުން މިގިވްއަވޭއަކީ އާންމުންނަށް ބައިވެރިވެވޭގޮތަށް ހުޅުވާލައިގެން، އެމް.އެން.ޔޫ.އެސް.ޔޫ އާއި ”ޕްރޯ ސޮކަރ“ ގުޅިގެން ކުރިއަށް ގެންގޮސްފައިވާ ގިވްއަވޭއެކެވެ.
ޔޫރޯ މުބާރާތާ ދިމާކޮށް މި މުބާރާތުގެ ފޯރި އާންމުންގެ ތެރޭގައި އިތުރުކުރުމަށާއި، މާލޭގެ ފުރަބަންދު ހާލަތުގައި ގޭގައި ތިބެގެން ޝައުޤުވެރިކަމާއެކު ބައިވެރިވެވޭނެ ޙަރަކާތެއް އާންމުންނާ ހަމައަށް ގެނެސްދިނުމުގެ މަޤްޞަދުގައި، މުބާރާތުގެ މެއިން ސްޕޮންސަރ ”ޕްރޯ ސޮކަރ“ އާއި ގުޅިގެން އެމް.އެން.ޔޫ.އެސް.ޔޫއިން ގެންދަނީ ތަފާތު ހަރަކާތްތައް ހިންގަމުންނެވެ.
