ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ހިންގާ ކޮމެޓީ މެމްބަރުންގެ ކެމްޕަސް ދަތުރު ފަށައިފިއެވެ.
ކޮވިޑް-19 ގެ ހާލަތާއި ގުޅިގެން ފާއިތުވެދިޔަ އަހަރު ކެމްޕަސް ދަތުރު ކޮށްފައިނުވާއިރު، ކެމްޕަސް ދަތުރަކީ 2018 ވަނަ އަހަރުން ފެށިގެން އެމް.އެން.ޔޫ.އެސް.ޔޫ އިން ކުރިޔަށްް ގެންދާ ދަތުރެކެވެ.
މިއަހަރުގެ ދަތުރު ކުރިޔަށްދާނީ 2 ސެޕްޓެމްބަރު 2021 އިން 4 ސެޕްޓެމްބަރު 2021 ގެ ނިޔަލަށެވެ.
މިއަހަރުގެ ދަތުރުގައި ތިން ކެމްޕަހަކަށް އެމް.އެން.ޔޫ.އެސް.ޔޫގެ ހިންގާ ކޮމެޓީގެ މެމްބަރުން ޒިޔާރާތް ކުރުމަށް ނިންމާފައިވާއިރު، އައްޑޫ ކެމްޕަސް ދަތުރު ފަސްކުރުމަށް ވަނީ ނިންމާފައެވެ. އައްޑޫ ކެމްޕަސް ދަތުރު ފަސްކުރަން ނިންމީ އެ ސިޓީ މޮނީޓަރިންގައި އޮތުމުންނެވެ.
ގަން ކެމްޕަސް:-
ގަން ކެމްޕަހުގެ ދަތުރުގައި 6 ލީޑަރުން ދަތުރުކުރުމަށް ވަނީ ނިންމާފައެވެ. ގަން ކެމްޕަސް ދަތުރު ލީޑު ކުރަނީ އެމް.އެން.ޔޫ ކައުންސިލުގައި ދަރިވަރުން ތަމްސީލު ކުރާ މެމްބަރު އިބްރާހީމް ޤާނިމް ޝާހިދެވެ. ގާނިމްގެ އިތުރުން މި ދަތުރުގައި ދެން ބައިވެރިވާނީ އެމް.އެން.ޔޫ.އެސް.ޔޫ ގެ އިންތިހާބީ ނައިބު ރައީސް (އިތުރު ހަރަކާތް) މާޒިން މުޙައްމަދާއި، އެމް.އެން.ޔޫ.އެސް.ޔޫ ގެ ގޮފި ސޮސައިޓީ ފޯރ ހޮސްޕިޓާލިޓީ އެންޑް ޓުއަރިޒަމް ސްޓަޑީޒްގެ (ޝެޓްސް) ގެ ނައިބު ރައީސް (އިތުރު ހަރަކާތް) ސުޢައިދު ޔޫނުސް، ހީލާސް ގޮފީގެ ސެކެރެޓަރީ ރީމާޒް މުޙައްމަދު، ނިއަރެސްގެ ނައިބު ރައީސާ (އިލްމީ) މަރްޔަމް ޖައުދާ އަދި ލީޑަރސް ގްރޫޕްގެ މެމްބަރު ޝައްމަ އަޙްމަދް އެވެ.
ކުޅުދުއްފުށީ ކެމްޕަސް ދަތުރުގެ ބައިވެރީން
ކުޅުދުއްފުށި ކެމްޕަސް:-
ކުޅުދުއްފުށީ ކެމްޕަސް ދަތުރު ލީޑު ކުރާނީ އެމް.އެން.ޔޫ.އެސް.ޔޫގެ ސެކެރެޓަރީ ނަޝާތު ވަހީދެވެ. ނަޝާތާއިއެކު، ލީޑަރސް ގްރޫޕްގެ މެމްބަރު ޒާޔާ ހަސަން އަދި ލީޑަރސް ގްރޫޕްގެ މެމްބަރު އަޙްމަދު އިޒްމީމް އެވެ.
ތިނަދޫ ކެމްޕަސް ދަތުރުގެ ބައިވެރީން
ތިނަދޫ ކެމްޕަސް:-
ތިނަދޫ ކެމްޕަސް ދަތުރު ލީޑު ކުރާނީ އެމް.އެން.ޔޫ.އެސް.ޔޫގެ ރައީސް އަބްދުﷲ ޝަހުނީޒްއެވެ. ޝަހުނީޒާއިއެކު މި ދަތުރުގައި ބައިވެރިވާނީ އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް) ހުސައިން ޒައިދު، އެމް.އެން.ޔޫ.އެސް.ޔޫގެ އެސިސްޓެންޓް ސެކެރެޓަރީ އާއިޝަތު އީފާ، އެމް.އެން.ޔޫ.އެސް.ޔޫގެ ކުރީގެ މީޑިއާ ކޯޑިނޭޓަރު މުޙައްމަދު އަހުނަފް، ލީޑަރސް ގްރޫޕްގެ މެމްބަރު ރީޝަމް ހުސައިން އަދި ލީޑަރސް ގްރޫޕްގެ މެމްބަރު ޢާއިޝަތު ޒައިނާ ހަސަން އެވެ.
އެމް.އެން.ޔޫ.އެސް.ޔޫ ކެމްޕަސް ދަތުރަކީ، ކެމްޕަސްތަކުގެ ދަރިވަރުންނާއި ބައްދަލުކުރުމަށާއި، ކެމްޕަސްތަކުގައި ހަރަކާތްތެރިވާ ގޮފިތަކުގެ މެމްބަރުން ކުރިޔަށް ގެންދަން ރާވާފައިވާ ހަރަކާތްތަކާއި ގުޅޭ ގޮތުން ބައްދަލުކުރަން ނިންމާފައިވާ ދަތުރެކެވެ.
މީގެ އިތުރުން މި ދަތުރުގައި ކެމްޕަސްތަކުގެ ދަނާލުގައި ތިބޭ ކުދިންނާއި ބައްދަލުކޮށް ދަތިވާކަންކަމުގެ މައުލޫމާތު ހޯދައެވެ.
