ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ގެ ކެމްޕަސް ދަތުރުތަކުގެ ތެރެއިން އެމް.އެން.ޔޫ ތިނަދޫ ކެމްޕަހުގެ ގޮފި ނޭކައަށް ބޭނުންވާ ބައެއް ސާމާނު ހަވާލުކޮށްފިއެވެ.
ނޭކައަށް ބޭނުންވާ ބައެއް ސާމާނު ހަވާލުކޮށްފައިވަނީ ބުރާސްފަތި ދުވަހުގެރޭ އެމް.އެންޔޫ.އެސް.ޔޫ އިން ތިނަދޫ ކެމްޕަސް ދަރިވަރުންނާއިއެކު ބޭއްވި ބައްދަލުވުމުގެ ތެރެއިންނެވެ.
މި ތަކެތީގެ ތެރޭގައި ބެޑްމިންޓަން ކުޅޭނެ، ރެކެޓާއި، ނެޓުގެ އިތުރުން ބެޑްމިންޓަން ބޯޅަ ހިމެނެއެވެ. މީގެ އިތުރުން މާސްކުވެސް ވަނީ ހަދިޔާ ކޮށްފައެވެ.
ނޭކައަށް ބޭނުންވާ ސާމާނު ހަވާލު ކުރުމުގެ ތެރެއިން
މި ބައްދަލުވުމުގައި އެމް.އެން.ޔޫ.އެސް.ޔޫއިން ވަނީ އެމް.އެން.ޔޫގެ ސްޓެރެޓެޖިކް ޕްލޭންގެ ”ދުޅަހެޔޮ އެމް.އެން.ޔޫ“ ލަނޑު ދަނޑި ހާސިލު ކުރުމަށް ދަރިވަރުން އަހުލުވެރިކޮށްފައެވެ. އަދި ދަރިވަރުންނަށް ހަރަކާތް ހިންގާ ރާވާނެ ގޮތް ދަސްކޮށްދީފައިވާނެ ކަމަށް އެމް.އެން.ޔޫ.އެސް.ޔޫގެ ރައީސް އަބްދުﷲ ޝަހުނީޒް ވިދާޅުވިއެވެ.
ތިނަދޫ ކެމްޕަސް ދަތުރު ލީޑު ކުރަމުން އަންނަނީ އެމް.އެން.ޔޫ.އެސް.ޔޫގެ ރައީސް އަބްދުﷲ ޝަހުނީޒެވެ. ޝަހުނީޒާއިއެކު، މި ދަތުރުގައި އެމް.އެން.ޔޫ.އެސް.ޔޫގެ ނައިބު ރައީސް (ގޮފިތައް) ހުސައިން ޒައިދު، އެސިސްޓެންޓް ސެކެޓްރީ އާއިޝަތު އީފާ އިބްރާހީމް، އެމް.އެން.ޔޫ.އެސް.ޔޫގެ 8 ވަނަ ދައުރުގެ މީޑިއާ ކޯޑިނޭޓަރު މުޙައްމަދު އަޙްނަފް އަދި ލީޑާސް ގްރޫޕްގެ މެމްބަރުން ކަމަށްވާ ރީޝަމް ހުސައިން އާއި ޢާއިޝަތު ޒައިނާ ހަސަން ބައިވެރިވެއެވެ.
