ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން ތިނަދޫ ދަނާލު ދަރިވަރުންނާއި ބައްދަލުކޮށްފިއެވެ.
ހޮނިހިރު ދުވަހުގެ ހަވީރު ދަނާލުގައި ކުރިޔަށްދިޔަ މި ބައްދަލުވުމުގައި އެމް.އެން.ޔޫ.އެސް.ޔޫގެ ރައީސް އަބްދުﷲ ޝަހުނީޒާއި ނައިބު ރައީސް (ގޮފިތައް) ހުސައިން ޒައިދާއި، އެސިސްޓެންޓް ސެކެޓްރީ އާއިޝަތު އީފާ އާއި، އެމް.އެން.ޔޫ.އެސް.ޔޫގެ 8 ވަނަ ދައުރުގެ މީޑިއާ ކޯޑިނޭޓަރު މުހައްމަދު އަހްނަފްގެ އިތުރުން ލީޑާސް ގްރޫޕްގެ މެމްބަރުން ކަމަށްވާ، އައިމިނަތު ރީޝަމް ހުސައިން އާއި އާއިޝަތު ޒައިނާ ހަސަން ވަނީ ބައިވެރިވެފައެވެ.
މި ބައްދަލުވުމުގައި އެމް.އެން.ޔޫ.އެސް.ޔޫއިން ވަނީ ދަނާލު ދަރިވަރުންނަށް ދިމާވާ ގޮންޖެހުންތައް އޮޅުން ފިލުވައިފައެވެ. އަދި ކުރިޔަށް އޮތް ތަނުގައި ދަނާލު ދަރިވަރުންނަށް އެމް.އެން.ޔޫ.އެސް.ޔޫގެ ފަރާތުން ވެދެވޭން ހުރި އެހީތައް އޮޅުން ފިލުވައިފައިވެއެވެ. އަދި ދަނާލަށް ޒިޔާރަތްކޮށް އެތަނުގެ ހާލަތު ޔޫނިއަންގެ ޓީމުން ވަނީ ބަލާފައެވެ. އަދި ދަނާލުގެ ދަރިވަރުންނާއި ފަސޭހައިން ބައްދަލުކުރުމުގެ ގޮތުން ވައިބަރ ގްރޫޕެއް ހަދާފައިވެއެވެ.
އެމް.އެން.ޔޫ.އެސް.ޔޫއިން ތިނަދޫ ކެމްޕަހަށް ކުރަމުން ގެންދާ ދަތުރުގައި އެމް.އެން.ޔޫ.އެސް.ޔޫ ތިނަދޫ ގޮފި ކަމަށްވާ ނޭކައިގެ މެމްބަރުންނާއި، ތިނަދޫ ކެމްޕަސް ދަރިވަރުންނާއިވެސް ވަނީ ބައްދަލުކޮށްފައެވެ. އަދި އެމް.އެން.ޔޫ.އެސް.ޔޫގެ ފަރާތުން ތިނަދޫ ކެމްޕަސް ދަރިވަރުންނަށް ދިމާވާ ދަތިތައް އޮޅުން ފިލުވައިފައިވެއެވެ.
