ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ)ގެ ޚަޒާންދާރުކަމުގެ މަޤާމު ހޮވުމަށް ބޭއްވި ބައި އިލެކްޝަން ކާމިޔާބުކޮށް ކެންޑިޑޭޓު ނަންބަރު 1، ކ. މާލެ / ހ. ޑީންސްވިލާ ޢާއިޝަތު ރިހާން އަޙްމަދު އެ މަޤާމަށް އިންތިޚާބުވެއްޖެއެވެ.
09 ސެޕްޓެންބަރު 2021 ވީ ބުރާސްފަތި ދުވަހުގެ ހަވީރު 03.30ން އެދުވަހުގެރޭ 08.30ށް ކުރިއަށްދިޔަ މި އިންތިޚާބު ރިހާން ކާމިޔާބުކުރީ 21 ވޯޓާއެކު %53.85ގެ އަޣްލަބިއްޔަތަކުންނެވެ. އިންތިޚާބުގައި ދެން ވާދަކުރި ފ. ބިލެއްދޫ / ސަޒިއްޔާ މަންޒިލް އިމްނާ މުޙައްމަދަށް ލިބުނީ 18 ވޯޓެވެ.
ބީ.އެސް.އެސް.އޭގެ ޚަޒާންދާރުކަމުގެ މަޤާމު ހުސްވީ ކުރިން މި މަޤާމުގައި ހުންނެވި، މުޙައްމަދު މޫސާ ކޯހުން ވަކިވުމާއި ގުޅިގެންނެވެ.
އިންތިޚާބު ކާމިޔާބުކުރި ރިހާން އަށް ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަންގެ ފަރާތުން މަރުޙަބާ ދަންނަވަމެވެ.
