ވޮލީ އޯގަނައިޒިންގ ޓީމުގެ ތަމްރީނު ޕްރޮގްރާމްތައް ފަށައިފި

ދިވެހިރާއްޖޭގެ ގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން އިންތިޒާމުކޮށްގެން ބާއްވާ ދެވަނައަށް އެންމެ ބޮޑު މުބާރާތް ކަމަށްވާ އެމް.އެން.ޔޫ.އެސް.ޔޫ އިންޓަރ ފެކަލްޓީ ވޮލީބޯޅަ މުބާރާތުގެ އޯގަނައިޒިންގ ޓީމުގެ ތަމްރީނު ޕްރޮގްރާމްތައް ފަށައިފިއެވެ.

19 ސެޕްޓެމްބަރު 2021 ވީ އާދީއްތަ ދުވަހު އޭ ބްލޮކްގެ ކްލާސް ރޫމުގައި ބޭއްވި މި ތަމްރީން ޕްރޮގްރާމްގައި މެޗް ކޮމިޝަނަރ އަދި ލައިންސްމަން ތަމްރީނުތައް ދަރިވަރުންނަށް ވަނީ ދީފައެވެ.

މި ތަމްރީން ޕްރޮގްރާމް ނަގައިދެއްވީ އެމް.އެން.ޔޫގެ ހެޑް ވޮލީ ކޯޗު ޚާލިދު މުޙައްމަދު (ހާލީ) އާއި ކޯޗު ޞަފްވާން އަޙްމަދު އެވެ.

މިއީ އެމް.އެން.ޔޫ.އެސް.ޔޫއިން ކޮންމެ އަހަރަކުވެސް ވޮލީ މުބާރާތުގެ ކުރިން ދަރިވަރުން ތަމްރީނު ކުރުމަށް ބާއްވަމުން ގެންދާ ތަމްރީން ޕްރޮގްރާމެކެވެ.

މިއަހަރުގެ މުބާރާތުގައި އަންހެން ޑިވިޝަނުގައި 7 ފެކަލްޓީއިން ބައިވެރިވާއިރު އަންހެން ޑިވިޝަނުގައި ފުރަތަމަ ފަހަރަށް އަތޮޅު ކެމްޕަހަކުން ވަނީ ބައިވެރިވެފައެވެ. އެއީ ލ. ގަން ކެމްޕަހުގެ އަންހެން ޓީމެވެ. މީގެ އިތުރުން ފިރިހެން ޑިވިޝަނުގައި 7 ފެކަލްޓީއަކުން ވަނީ ބައިވެރިވެފައެވެ.