ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ބޮޑުބެރު ގްރޫޕްގެ ފުޑް އެންޑް ބެވަރޭޖް ޕާޓްނަރަކަށް ކޭ އިވެންޓްސްގެ ކޮއްތު ހަޓު ހަމަޖައްސައިފިއެވެ.
ކޭ އިވެންޓްސް އާއިއެކު 9 ޖަނަވަރީ 2022 ވަނަ ދުވަހު އެމް.އެން.ޔޫ.އެސް.ޔޫ އިން ވަނީ އެއްބަސްވުމަކަށް އައިސްފައެވެ. މި އެއްބަސްވުމުގެ ދަށުން ކޮއްތު ހަޓުން ކޮންމެ ދުވަހަކު އެމް.އެން.ޔޫ.އެސް.ޔޫ ބޮޑުބެރު ގްރޫޕްގެ މެމްބަރުންނަށް ތިން ކެއުމާއި 15 ކޮފީ ލިބިގެންދާނެއެވެ.
އެއް އަހަރު ދުވަހަށް ހެދިގެންދިޔަ މި އެއްބަސްވުމުގައި އެމް.އެން.ޔޫ.އެސް.ޔޫގެ ފަރާތުން ސޮއި ކުރެއްވީ ރައީސް ހުސައިން ޒައިދުއެވެ. ކޭ އިވެންޓްސްގެ ފަރާތުން ސޮއި ކުރެއްވީ އެ ކުންފުނީގެ މާކެޓިންގ މެނޭޖަރ އުމަރު އަޖްލާން ޒުހައިރުއެވެ.
އެމް.އެން.ޔޫ.އެސް.ޔޫ ބޮޑުބެރު ގްރޫޕަކީ 2019 ވަނަ އަހަރު އުފެދިގެން އައި ގްރޫޕެކެވެ. ކުރިން ހަމައެކަނި އެމް.އެން.ޔޫ އާއި އެމް.އެން.ޔޫ.އެސް.ޔޫގެ ހަރަކާތްތަކުގައި ބޮޑުބެރު ޓީމު ފެނިގެންދިޔަ ނަމަވެސް މިހާރު އަންނަނީ ކުންފުނިތަކާއި އަމިއްލަ ފަރާތްތަކުގެ އިވެންޓުތަކުގެ އިތުރުން ބައިނަލްއަގްވާމީ އިވެންޓުތަކުގައި އާއި ލައިވް ޝޯތަކުގައިވެސް ބައިވެރިވަމުންނެވެ.
