ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ގޮފިތަކުގެ އައު ހިންގާ ކޮމެޓީ އިފްތިތާޙްކޮށްފިއެވެ.
ގޮފިތަކުގެ އައު ހިންގާ ކޮމެޓީ އިފްތިތާޙްކޮށްފައިވަނީ 19 ފެބުރުއަރީ 2022 ވީ ހޮނިހިރު ދުވަހުގެރޭ މިކަމައްޓަކައި ސެންޓްރަލް އޮޑިޓޯރިއަމްގައި ބޭއްވި ހާއްސަ ރަސްމިއްޔާތެއްގައެވެ. މި ރަސްމިއްޔާތުގައި ޤައުމީ ޔުނިވަރސިޓީގެ ވައިސް ޗާންސެލަރ ޑރ. މުޙައްމަދު ޝަރީފާއި، ޑީން އޮފް ސްޓޫޑެންޓް އާޝިއާ ލީލާ އަޙްމަދުގެ އިތުރުން، ފެކަލްޓީތަކުގެ ޑީނުންނާއި، ލެކްޗަރާއިންގެ އިތުރުން ބެލެނިވެރިން ވަނީ ބައިވެރިވެފައެވެ.
ގޮފިތައް އިފްތިތާޙްކޮށްދެއްވީ އެމް.އެން.ޔޫ ވައިސް ޗާންސެލާ ޑރ. މުޙައްމަދު ޝަރީފްއެވެ.
މި ރަސްމިއްޔާތުގައި ވަނީ ގޮފިތަކުގެ އައު ހިންގާ ކޮމެޓީއަށް ހޮވުނު ފަރާތްތަކަށް މަގާމުގެ ލިޔުން ހަވާލުކޮށްފައެވެ.
މި ރަސްމިއްޔާތުގައި އިފްތިތާޙްކޮށްފައިވަނީ މާލޭ ކެމްޕަސްތަކުގެ ގޮފިތަކެވެ.
އެމް.އެން.ޔޫ މާލޭ ކެމްޕަހުގެ ފެކަލްޓީތަކުގައި ޤާއިމް ކޮށްފައިވާ އެމް.އެން.ޔޫ.އެސް.ޔޫގެ ގޮފިތަކަކީ:
- ސެންޓަރ ފޯ ފައުންޑޭޝަން ސްޓަޑީސް – ތަރަހަ
- ސޮސައިޓީ އޮފް ޝަރީޢާ އެންޑް ލޯ – އެސް.އެސް.އެލް
- ފެކަލްޓީ އޮފް އާރޓްސް – ސިއާ
- ސޮސައިޓީ ފޯ ހޮސްޕިޓާލިޓީ އެންޑް ޓުއަރިޒަމް ސްޓަޑީސް – ޝެޓްސް
- ސްކޫލް އޮފް ނަރސިންގ – ނިއަރެސް
- ސްކޫލް އޮފް މެޑިސިން – މެޑީކޯސް
- ފެކްލްޓީ އޮފް ހެލްތް ސައިންސަސް – ހީލާސް
- ފެކަލްޓީ އޮފް އެޑިއުކޭޝަން – ފެސާ
- ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީ – އެސްޓާގެ
- އެމް.އެން.ޔޫ ބިޒްނަސް ސްކޫލް – ބީ.އެސް.އެސް.އޭ
އެމް.އެން.ޔޫ.އެސް.ޔޫ އަތޮޅު ކެމްޕަސްތަކުގެ ގޮފިތައް އިފްތިތާޙް ކުރުން ކުރިއަށް ދާނީ އަންނަ މާރިޗު މަހުގެ 5 ވަނަ ދުވަހުއެވެ.
