ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިން ގަން ކެމްޕަހުގައި ޤާއިމުކޮށްފައިވާ ގޮފި، އަހުރައިގެ 6 ވަނަ ދައުރުގެ ހިންގާ ކޮމިޓީ އިފްތިތާހުކޮށްފިއެވެ.
ހިންގާ ކޮމިޓީ އިފްތިތާހު ކޮށްފައިވަނީ ދިވެހިރާއްޖޭގެ ޤައުމީ ޔުނިވަރސިޓީގެ ގަން ކެމްޕަހަށް އަލަށް ގުޅުނު ދަރިވަރުންނަށް ޚާއްޞަކޮށްގެން ބޭއްވި ފްރެޝާސް ނައިޓްގައެވެ.
މި ހަރަކާތުގައި އެމް.އެން.ޔޫ.އެސް.ޔޫގެ ނައިބު ރައީސް (އިތުރު ޙަރަކާތް) ސުޢައިދު ޔޫނުސްގެ އިތުރުން ނައިބު ރައީސް (ޢިލްމީ) އަޙްމަދު އިޔާޒް ވަނީ ބައިވެރިވެފައެވެ.
03 މާރިޗުވީ ހުކުރުދުވަހުގެރޭ ގަން ކެމްޕަހުގެ އޯޕަން އޭރިއާގައި ކުރިއަށްދިޔަ މި ޙަރަކާތުގައި ހިންގާ ކޮމިޓީއަށް އިންތިޚާބުވި ދަރިވަރުންނަށް މަޤާމު ޙަވާލުކޮށްދެއްވީ އެމް.އެން.ޔޫ.އެސް.ޔޫގެ ނައިބު ރައީސް (އިތުރު ޙަރަކާތް) ސުޢައިދު ޔޫނުސެވެ.
މި ހަރަކާތުގައި އެމް.އެން.ޔޫ.އެސް.ޔޫގެ ފަރާތުން ވާހަކަ ދެއްކެވީ ނައިބު ރައީސް (އިތުރު ޙަރަކާތް) ސުޢައިދު ޔޫނުސެވެ. އަދި އަހުރައިގެ ފަރާތުން ވާހަކަ ދެއްކެވީ ރައީސާ ހަމްދާ އަބްދުލް ހަލީމެވެ. މީގެ އިތުރުން މި ހަރަކާތް ފެށުމުގެ ގޮތުން ”އައިސް ބްރޭކިންގ“ ކުރިއަށް ގެންދިޔައީ ނައިބު ރައީސް (ޢިލްމީ) އަޙްމަދު އިޔާޒެވެ.
މީގެ އިތުރުން ކެމްޕަސް މެނޭޖަރ ޙައްވާ ވަޖުދާ މި ހަރަކާތުގައި ވާހަކަ ދައްކަވާފައިވާއިރު، ކެމްޕަހަށް އަލަށް ގުޅުނު ދަރިވަރަކުވެސް ވާހަކަ ދައްކަވާފައިވާކަން ފާހަގަކޮށްލެވެއެވެ.
މި ހަރަކާތުގައި ޓީމް ބިލްޑިންގގެ އެކި ގޭމްތައް ކުރިއަށް ގެންގޮސްފައިވާއިރު، އަހުރައިގެ އައު ހިންގާ ކޮމިޓީގެ ފަރާތުން ކޭކެއް ފެޅުމާއި ރޭގަނޑުގެ ފަރިއްކޮޅެއް ދެއްވާފައިވެއެވެ.
މި ހަރަކާތް އިންތިޒާމު ކުރެވިފައިވަނީ އެމް.އެން.ޔޫ.އެސް.ޔޫގެ ކެމްޕަސް ދަތުރުތަކާ ގުޅުވާ އެމް.އެން.ޔޫ.އެސް.ޔޫ އާއި އަހުރަ އަދި ގަން ކެމްޕަސް ގުޅިގެންނެވެ.
އަތޮޅުތެރޭ ކެމްޕަސްތަކަށް އަހަރަކު އެއްފަހަރު ކުރެވޭ ކެމްޕަސް ދަތުރުތަކަކީ ސިލްސިލާ ގޮތެއްގައި 2018 ވަނަ އަހަރުން ފެށިގެން އެމް.އެން.ޔޫ.އެސް.ޔޫ އިން ކުރިޔަށް ގެންދާ ދަތުރުތަކެކެވެ. ކޮވިޑާ ގުޅިގެން 2020 ވަނަ އަހަރު މެދުކެނޑުނުކަމުގައިވިޔަސް މިދިޔަ އަހަރު މި ދަތުރުތައް ކުރެވިފައިވާކަން ފާހަގަކޮށްލެވެއެވެ.
