އެމް.އެން.ޔޫ ހޭންޑްބޯޅަ ޓީމުތަކުގެ ފަރިތަކުރުންތައް ފަށައިފި

އިސްލާމިކް ޔުނިވަރސިޓީ އޮފް މޯލްޑިވްސް ސްޓޫޑެންޓް ޔޫނިއަން (އައި.ޔޫ.އެމް.އެސް.ޔޫ)ގެ ފަރާތުން އިންތިޒާމުކޮށްގެން ބާއްވާ އިންޓަރ ކޮލެޖް/ޔުނިވަރސިޓީ ހޭންޑްބޯޅަ މުބަރާތުގައި ބައިވެރިވުމަށް  އެމް.އެން.ޔޫގެ އަންހެން އަދި ފިރިހެން ޓީމުތައް ހޮވުމަށް  ބާއްވާ ފަރިތަކުރުންތައް ފަށައިފިއެވެ.

11 އެޕްރީލް ވީ ހޯމަ ދުވަހު ފެށި މި ފަރިތަކުރުންތައް ކުރިއަށްދާނީ އެމް.އެން.ޔޫ ޕީ.އީ ހޯލުގައެވެ. އެމް.އެން.ޔޫ ހޭންޑްބޯޅަ މުބާރާތުގެ  ކޯޗު މުޙައްމަދު ޝައިހާނުގެ އިރުޝާދުގެ ދަށުން ފެށި މި ފަރިތަކުރުންތަކަކީ މޭމަހުގެ ތެރޭގައި އޮތް މުބާރާތަށް ޓީމު ނެގުމަށްޓަކައި ބޭއްވޭ ފަރިތަކުރުންތަކެކެވެ.

މި ފަރިތަކުރުންތައް ވަނީ  އެމް.އެން.ޔޫގެ ހުރިހާ ދަރިވަރުންނަށް ހުޅުވާލެވިފައެވެ. މިހަތަނަށް ފަރިތަކުރުންތަކުގައި އަންހެން 60 އަށް ވުރެ ގިނަ ދަރިވަރުން އަދި ފިރިހެން 30 އަށް ވުރެ ގިނަ ދަރިވަރުން ވަނީ ބައިވެރިވެފައެވެ.