ޕަބްލިކް ސަރވިސް މީޑިއާ (ޕީ.އެސް.އެމް)ގެ ދިވެހި ރާއްޖޭގެ އަޑުން ބާއްވާ ”ފަހިދޫ ބަހުސް މުބާރާތް 2022“ ގައި އެ މުބާރާތުގެ އެންމެ ފަހުގެ ޗެމްޕިއަން ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ބައިވެރިވެއްޖެއެވެ.
އަހަރުތަކެއްގެ މެދު ކެނޑުމަކަށް ފަހު މިއަހަރުގެ މުބާރާތް ފަށާފައިވަނީ މި މަހުގެ 15 ގައެވެ. މުބާރާތުގެ ރެކޯޑިންގެ މަސައްކަތް މިހާރު ދަނީ ކުރިއަށެވެ. މުބާރާތުގައި އެމް.އެން.ޔޫ.އެސް.ޔޫގެ ފުރަތަމަ ބަހުސްގައި މާދަމާ ބައްދަލުކުރާނީ ޖުޑީޝަލް ސަރވިސް ކޮމިޝަން (ޖޭ.އެސް.ސީ)އާއެވެ. އަދި ދެ ވަނަ ބަހުސްގައި މިމަހުގެ 22 ގައި ބައްދަލުކުރާނީ މިނިސްޓްރީ އޮފް އެޑިޔުކޭޝަންއާއެވެ.
މުބާރާތަށް އެމް.އެން.ޔޫ.އެސް.ޔޫގެ ފަރާތުން ވަނީ ފަސް ދަރިވަރުން ހިމެނޭ ޓީމެއް އެކުލަވާލާފައެވެ. އަދި އެކުދިންގެ ފަރިތަކުރުންތައް ވެސް ވަނީ ކުރިއަށް ގެންގޮސްފައެވެ.
މިއަހަރުގެ ޓީމުގައި ހިމެނެނީ:
1. މަރިޔަމް އަފާ ނިޒާމް
2. އާމިނަތު ނަސޫހާ
3. މުޙައްމަދު ނާއިލް ޙަފީޡް
4. އާމިނަތު އިނާސް
5. އިސްމާއީލް ރަޒީން ޢިމްރާން
މި މުބާރާތުގެ ޗެމްޕިއަންކަން އެމް.އެން.ޔޫ.އެސް.ޔޫއިން ވަނީ ދެ އަހަރަކު ހޯދާފައެވެ. އެއީ 2016 ވަނަ އަހަރާއި 2018 ވަނަ އަހަރެވެ. އަދި 2017 ވަނަ އަހަރު އޮތް މުބާރާތުގެ ރަނަރއަޕް ކަން ހޯދާފައިވެއެވެ.
