ބާސްކެޓް ފިރިހެން ޓީމުގެ ދެވަނަ މެޗުން ވިލާ ކޮލެޖުގެ މައްޗަށް ކުރިހޯދައިފި

ވިލާ ކޮލެޖް ސްޓޫޑެންޓް އެސޯސިއޭޝަން (ވީ.ސީ.އެސް.އޭ)ގެ ފަރާތުން އިންތިޒާމުކޮށްގެން ބާއްވާ ޓްރިޕަލް ތްރެޓް ބާސްކެޓްބޯލް ޓޯނަމެންޓް 2022 (ޓީ.ޓީ.ބީ.ޓީ)ގެ 5 އޮން 5 ފިރިހެން ޑިވިޝަނުގައި އެމް.އެން.ޔޫ ކުޅުނު ދެވަނަ މެޗުން ވިލާ ކޮލެޖުގެ މައްޗަށް ކުރިހޯދައިފި އެވެ.
ހުކުރު ދުވަހުގެރޭ ކުޅުނު މި މެޗު އެމް.އެން.ޔޫ ކާމިޔާބުކުރީ ބޮޑު ތަފާތަކުންނެވެ. މި މެޗު އެމް.އެން.ޔޫ އިން ކާމިޔާބު ކުރީ 17-33 ގެ ނަތީޖާއަކުންނެވެ.

ފިރިހެން ޑިވިޝަނުގެ ތިންވަނަ މެޗުގައި އާދިއްތަ ދުވަހުގެ ހަވީރު 05:15 ގައި އެމް.އެން.ޔޫ އިން ބައްދަލު ކުރާނީ މެޕްސް ކޮލެޖްއާއެވެ.

ވިލާ ކޮލެޖް ސްޓޫޑެންޓް އެސޯސިއޭޝަން (ވީ.ސީ.އެސް.އޭ)ގެ ފަރާތުން އިންތިޒާމުކޮށްގެން ބާއްވާ ޓްރިޕަލް ތްރެޓް ބާސްކެޓްބޯލް ޓޯނަމެންޓް 2022 (ޓީ.ޓީ.ބީ.ޓީ)ގައި އެމް.އެން.ޔޫ.އެސް.ޔޫގެ އަންހެން އަދި ފިރިހެން ޑިވިޝަނުންވެސް ވަނީ ބައިވެރިވެފައެވެ. މި ޓީމުތަކުން ވަނީ 2 ކެޓަގަރީގައިވެސް ބައިވެރިވެފައެވެ. އެއީ 5 އޮން 5 އަދި 3 އޮން 3 އެވެ.