ވިލާ ކޮލެޖް ސްޓޫޑެންޓް އެސޯސިއޭޝަން (ވީ.ސީ.އެސް.އޭ)ގެ ފަރާތުން އިންތިޒާމުކޮށްގެން ބާއްވާ ޓްރިޕަލް ތްރެޓް ބާސްކެޓްބޯލް ޓޯނަމެންޓް 2022 (ޓީ.ޓީ.ބީ.ޓީ)ގެ އަންހެން ޑިވިޝަނުގެ ސެމީ ފައިނަލުގައި ދިވެހި ރާއްޖޭގެ ގައުމީ ޔުނިވަރސިޓީ (އެމް.އެން.ޔޫ)ގެ މައްޗައް އަހުމަދިއްޔާ އިންޓަރނޭޝަނަލް (އޭ.އައި.އެސް) ކުރިހޯދައިފިއެވެ.
ހޯމަ ދުވަހުގެރޭ ކުޅެވުނު މިމެޗުން އެމް.އެން.ޔޫ ބަލިވީ 11-25 ގެ ނަތިޖާއަކުންނެވެ. މި ނަތީޖާއާއެކު އެމް.އެން.ޔޫގެ އަންހެން ޓީމު ވަނީ 5 އޮން 5 ކެޓަގަރީ އިން މުބާރާތުން ވަކިވެފައެވެ.
ވިލާ ކޮލެޖް ސްޓޫޑެންޓް އެސޯސިއޭޝަން (ވީ.ސީ.އެސް.އޭ)ގެ ފަރާތުން އިންތިޒާމުކޮށްގެން ބާއްވާ ޓްރިޕަލް ތްރެޓް ބާސްކެޓްބޯލް ޓޯނަމެންޓް 2022 (ޓީ.ޓީ.ބީ.ޓީ)ގައި އެމް.އެން.ޔޫ.އެސް.ޔޫގެ އަންހެން އަދި ފިރިހެން ޑިވިޝަނުންވެސް ވަނީ ބައިވެރިވެފައެވެ. މި ޓީމުތަކުން ވަނީ 2 ކެޓަގަރީގައިވެސް ބައިވެރިވެފައެވެ. އެއީ 5 އޮން 5 އަދި 3 އޮން 3 އެވެ
