ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)އާ އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފިއެވެ.
މި އޮރިއެންޓޭޝަން ބާއްވާފައިވަނީ އާދިއްތަ ދުވަހު ދިވެހިރާއްޖޭގެ ޤައުމީ ޔުނިވަރސިޓީގެ މައި ކެމްޕަހުގައެވެ. އޮރިއެންޓޭންޝަން ސެޝަން ލީޑުކުރީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ އިސް ފަރާތްތަކުންނެވެ. މި އޮރިއެންޓޭޝަން ސެޝަންގައި އެމް.އެން.ޔޫ.އެސް.ޔޫގެ ލީޑަރސް ގްރޫޕްގައި ހިމެނޭ މެމްބަރުން ވެސް ވަނީ ބައިވެރިވެފައެވެ.
ގިނަ އަދަދެއްގެ ދަރިވަރުން ބައިވެރިވި މި އޮރިއެންޓޭޝަން ޕްރޮގްރާމްގައި ވަނީ އެމް.އެން.ޔޫ.އެސް.ޔޫގެ ލީޑަރސް ގްރޫޕަށް ވަންނަން ޝައުޤުވެރިވާ ކުދިންނަށް އެ ފުރުސަތު ވެސް ހުޅުވާލާފައެވެ.
މިއީ ކޮންމެ ސެމިސްޓަރއެއްގައި އަލަށް އެމް.އެން.ޔޫގެ ކޯސްތަކަށް ގުޅޭ ދަރިވަރުންނަށް އަމާޒުކޮށްގެން އެމް.އެން.ޔޫ އިން ބާއްވާ އޮރިއެންޓޭޝަންއެކެވެ. މީގެ އިތުރުން ވަކި ވަކި ފެކަލްޓީތަކުގެ ދަރިވަރުންނަށް އަމާޒުކޮށްގެން ވަކި އޮރިއެންޓޭޝަންތަކެއް ބާއްވާނެއެވެ.
