ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި ވޮލީބޯލް ފެމިލީ އެސޯސިއޭޝަން(ވީ.އެފް.އޭ)، ގުޅިގެން ބޭއްވުމަށް ހަމަޖެހިފައިވާ އެމް.އެން.ޔޫ.އެސް.ޔޫ ވީ.އެފް.އޭ ވޮލީބޯލް ޗެމްޕިއަންޝިޕް މުބާރާތައް ތައްޔާރުވުމުގެ ގޮތުން އެމް.އެން.ޔޫ ޓީމުތަކުގެ ފަރިތަކުރުންތައް ފަށައިފިއެވެ.
މި މުބާރާތުގައި އެމް.އެން.ޔޫގެ އަންހެން އަދި ފިރިހެން ޓީމު ބައިވެރިވާނެއެވެ. މުބާރާތައް ތައްޔާރުވުމުގެ ގޮތުން ދެ ޓީމުގެ ސްކޮޑު ނެގުމަށް އެކުވެރިކަމުގެ މެޗުތަކެއް ވަނީ ކުޅެފައެވެ.
މުބާރާތުގައި ވާދަކުރާ އެމް.އެން.ޔޫގެ ޓީމުތަކުން ފަރިތަކުރުންތައް ކުރިއަށް ގެންދަމުން ދަނީ ރާއްޖޭގެ މަޝްހޫރު ވޮލީ ކޯޗު ޞަފްވާން އަޙުމަދުގެ އިރުޝާދުގެ ދަށުުގެ ދަގެ އިރުޝާޑރާއްޖޭގެ މަޝްހުއް ކުރިއަންނއެވންނެވެ. އެކަމަކު މުބާރާތުގައި އެމް.އެން.ޔޫގެ ފިރިހެން ޓީމުގެ ކޯޗުކަމާއި ހަވާލުވާނީ ޕޮލިސް ކުލަބާއެކު ގައުމީ މުބާރާތް ކާމިޔާބުކުރި ކޯޗު ޚާލިދު މުޙައްމަދެވެ. މި ދެ ކޯޗުން ވެސް ވަނީ މީގެ ކުރިން އެމް.އެން.ޔޫގެ ވޮލީ ޓީމާއެކު އިންޓަ ކޮލެޖު/ ޔުނިވަރސިޓީ މުބާރާތް ކާމިޔާބުކޮށްފައެވެ.
އެމް.އެން.ޔޫ.އެސް.ޔޫ ވީ.އެފް.އޭ ވޮލީބޯލް ޗެމްޕިއަންޝިޕް 2022 ގެ ނަމުގައި ބާއްވާ މި މުބާރާތް ފެށުމަށް ހަމަޖެހިފައިވަނީ މި މަހުގެ 25 ގައެވެ. ކޮލެޖް/ޔުނިވަރސިޓީ އަދި ހައި ސްކޫލްތަކަށް ހުޅުވާލައިގެން ބާއްވާ މި މުބާރާތަކީ އެމް.އެން.ޔޫ.އެސް.ޔޫ އިން މިއަހަރު އަލަށް ފަށާ މުބާރާތެކެވެ. އަދި ޔޫނިއަންގެ އަމާޒަކީ މިއަހަރުން ފެށިގެން ކޮންމެ އަހަރަކު މުބާރާތް ބޭއްވުމެވެ.
ކޮލެޖު ޔުނިވަރސިޓީތަކަށް އަމާޒުކޮށް ވޮލީ މުބާރާތެއް އެމް.އެން.ޔޫ.އެސް.ޔޫ އާއި ވީ.އެފް.އޭ ގުޅިގެން ބާއްވާއިރު، މީގެ ކުރިން ވޮލީބޯލް އެސޯސިއޭޝަން އޮފް މޯލްޑިވްސް (ވީ.އޭ.އެމް) އިން ބޭއްވި އިންޓަރ ކޮލެޖު/ ޔުނިވަރސިޓީ ވޮލީބޯޅަ މުބާރާތުގެ އެންމެ ކާމިޔާބު ޓީމަކީ އެމް.އެން.ޔޫ އެވެ. އެމް.އެން.ޔޫ އިން ވަނީ އެ މުބާރާތުގެ ތަށި ވިދިވިދިގެން ތިން ފަހަރު ކާމިޔާބުކޮށް މިލްކު ކޮށްފައެވެ. އަދި އެ މުބާރާތުގެ ތަށި ޖުމްލަ ފަސް ފަހަރު އެމް.އެން.ޔޫ އިން ވަނީ ކާމިޔާބުކޮށްފައެވެ.
