ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ 2022 ވަނަ އަހަރުގެ އެންމެ ހަރަކާތްތެރި ގޮތްޕަކަށް ސޮސައިޓީ ފޯ ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (ޝެޓްސް) އަދި އެންމެ ހަރަކާތްތެރި ކެމްޕަސް ގޮތްޕަކަށް ދޮންދީނި ހޮވިއްޖެއެވެ.
ގޮފިތަކަށް އިނާމު ދީފައިވަނީ ދަރިވަރުންގެ ޔޫނިއަންގެ 11 ވަނަ ދައުރުގެ ހިންގާ ކޮމިޓީ އިފްތިތާހު ކުރުމަށް ހުކުރުދުވަހުގެރޭ އެމް.އެން.ޔޫގެ ސެންޓްރަލް އެޑްމިނިސްޓްރޭޝަންގައި ކުރިއަށްދިޔަ ހަފްލާއެއްގައެވެ.
އެންމެ ހަރަކާތްތެރި ގޮތްޕަކަށް ޝެޓްސް ހޮވުނުއިރު، ދެވަނަ އަށް ހޮވުނީ ހީލަރސް އެވެ. އަދި ތިންވަނަ އަށް ދިޔައީ މެޑިކޯސް އަދި ބިޒްނަސް ސްކޫލް ސްޓޫޑެންޓް އެސޯސިއޭޝަން (ބީ.އެސް.އެސް.އޭ) އެވެ. ކުރިއެރުން ހޯދައިގެން ”ޕްރޮގްރެސިވް އެވޯޑް“ ހޯދާފައިވަނީ ނިއަރެސް އަދި ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) އެވެ.
ދަރިވަރުންގެ ޔޫނިއަންގައި ޖުމްލަ 14 ގޮތްޕެއް ހިމެނެއެވެ. އޭގެ ތެރެއިން 10 ގޮތްޕެއް ހަރަކާތްތެރިވަނީ މާލޭ ކެމްޕަހުގައެވެ. ބާކީ 4 ގޮތްޕަކީ އަތޮޅުތެރޭގެ ކެމްޕަސްތަކުގައި ހަރަކާތްތެރިވާ ގޮފިތަކެވެ.
