2023 ވަނަ އަހަރުގެ ދެވަނަ ޓާރމުގައި ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ) އާ ގުޅުނު އާ ދަރިވަރުންނަށް އޮރިއެންޓޭޝަން ޕްރޮގްރާމް ބާއްވައިފިއެވެ.
މި އޮރިއެންޓޭޝަން ޕްރޮގްރާމް ކުރިއަށް ގެންގޮސްފައިވަނީ އެމް.އެން.ޔޫ ސެންޓްރަލް އެޑްމިނިސްޓްރޭޝަން އޮޑިޓޯރިއަމްގައެވެ. އޮގަސްޓް 6 ވީ އާދިއްތަ ދުވަހުގެ ހެނދުނު 09:00 ގައި ފެށި މި ޕްރޮގްރާމްގައި ޤައުމީ ޔުނިވަރސިޓީގެ އެކިއެކި ޚިދުމަތްތަކާ ގުޅޭ މަޢުލޫމާތު ވަނީ ދަރިވަރުންނަށް ދީފައެވެ. އަދި މީގެ އިތުރުން ދަރިވަރުންގެ ޔޫނިއަންއާ ގުޅޭގޮތުން ޔޫނިއަންގެ ނައިބު ރައީސް (ގޮފިތައް) ސައިފުﷲ މުސްލިމް ވަނީ ދަރިވަރުންނަށް މަޢުލޫމާތު ދީފައެވެ.
މިއީ ކޮންމެ ސެމިސްޓަރއެއްގައި އަލަށް އެމް.އެން.ޔޫގެ ކޯސްތަކަށް ގުޅޭ ދަރިވަރުންނަށް އަމާޒުކޮށްގެން އެމް.އެން.ޔޫ އިން ބާއްވާ އޮރިއެންޓޭޝަންއެކެވެ. މީގެ އިތުރުން ވަކި ވަކި ފެކަލްޓީތަކުގެ ދަރިވަރުންނަށް އަމާޒުކޮށްގެން ވަކި އޮރިއެންޓޭޝަންތަކެއް ބާއްވާނެއެވެ.
