ބައި އިލެކްޝަންގައި ހޮވުނު މެންބަރުންނަށް މަޤާމު ހަވާލުކޮށްފި

ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ މާލޭ ކެމްޕަހުގެ ގޮފިތަކުގެ ހިންގާ ކޮމިޓީން ހުސްވެފައިވާ މަޤާމުތަކަށް ބޭއްވި ބައި އިލެކްޝަންގައި ހޮވުނު މެންބަރުންނަށް މަޤާމު ހަވާލުކޮށްފިއެވެ.

ދިވެހިރާއްޖޭގެ ޤައުމީ ޔުނިވަރސިޓީ (އެމް.އެން.ޔޫ)ގެ ފެކަލްޓީ އޮފް އެޑިއުކޭޝަން އޮޑިޓޯރިއަމްގައި އޮކްޓޫބަރު 19 ވީ ބުރާސްފަތި ދުވަހު މެންދުރުފަހު ކުރިއަށްދިޔަ ރަސްމިއްޔާތެއްގައި މަޤާމުތައް ހަވާލުކޮށްދެއްވާފައިވަނީ އެމް.އެން.ޔޫގެ ވައިސް ޗާންސެލަރ ޑރ. މުޙައްމަދު ޝަރީފްގެ އިތުރުން ޑީން އޮފް ސްޓޫޑެންޓްސް އާޝިޔާ ލީލާ އަޙްމަދެވެ.

ދަރިވަރުންގެ ޔޫނިއަންގައި ޖުމްލަ 14 ގޮތްޕެއް ހަރަކާތްތެރިވެއެވެ. އޭގެ ތެރެއިން 10 ގޮފި ހަރަކާތްތެރިވަނީ މާލޭ ކެމްޕަހުގައެވެ. އަދި ބާކީ 4 ގޮފި ހަރަކާތްތެރިވަނީ އަތޮޅުތެރޭ ކެމްޕަސްތަކުގައެވެ.