”ފެސާ ކަރޯކޭ ޗެލެންޖް“ މި ހޮނިހިރު ދުވަހު!

ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ) އިން އަލަށް ”ފެސާ ކަރައޯކޭ ޗެލެންޖް“ އެއް ބާއްވަން ނިންމައިފިއެވެ.
މި ހަރަކާތް ބޭއްވުމަށް ހަމަޖެހިފައިވަނީ 24 ފެބްރުއަރީ ވާ ހޮނިހިރު ދުވަހުގެ ރޭ އެމް.އެން.ޔޫ.ބީ.އެސްގެ ސެމިނަރ ރޫމްގައެވެ.

މިކަރައޯކޭ ޗެލެންގުގައި ބައިވެރިވުމުގެ ފުރުސަތު މިހާރު ހުޅުވާލައިފައިވާއިރު، ފެކަލްޓީ އޮފް އެޑިއުކޭޝަންގައި ކިޔަވަމުންދާ ކޮންމެ ދަރިވަރަކަށް ވެސް ބައިވެރިވުމުގެ ފުރުސަތުވަނީ ހުލުވާލައިފައެވެ.
މި މުބާރާތަކީ ފެކަލްޓީ އޮފް އެޑިއުކޭޝަން ގައި ތައުލީމް ހާސިލްކުރަމުންދާ ދަރިވަރުންގެ މެދުގައި އެކުވެރިކަން ބަދަހިކުރުމަށާއި، ހުނަރުވެރި ލަވަ ކިޔުންތެރިންތަކެއް އުފެއްދުމުގެ މަޤްޞަދުގައި ފެސާއިން އިންތިޒާމުކޮށްގެން ބޭއްވުމަށް ހަމަޖެހިފައިވާ މުބާރާތެކެވެ.
ފެސާގެ އުއްމީދަކީ ވީހާވެސް ގިނަ ކުދިން މި މުބާރާތުގައި ބައިވެރިވެ، މި މުބާރާތަކީ މަޖާ އަދި ކާމިޔާބު އިވެންޓެއްގެ ގޮތުގައި ނިމުމެވެ.