ޝެޓްސްގެ ނިއު ލީޑަރސް މީޓިން ބާއްވައިފި!

2024 ވަނަ އަހަރު ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސް ގެ ގޮފި ޝެޓްސް އަށް އަލަށް ގުޅުނު އިސްވާރުންނަށް ހާއްސަކޮށް، މިޓަރމުގެ ފުރަތަމަ ލީޑަރސް މީޓިން ކުރިޔަށް ގެންގޮސްފިއެވެ.

21 ފެބްރުވަރީ 2024 ވީ ބުދަ ދުވަހުގެ ރޭގަނޑު 20:00 ގައި އެފް.އެޗް.ޓީ.އެސްގައި، ބޭއްވި މި ބައްދަލުވުމުގައި ޝެޓްސްއާ އަލަށް ގުޅުނު 25 ށް ވުރެ ގިނަ އިސްވާރުންނާއި، ޝެޓްސްގެ އިސްވާރުންގެ ގޮތުގައި މިހާރުވެސް ހަރަކާތްތެރިވަމުންދާ އިސްވާރުން އަދި ޝެޓްސްގެ ހިންގާ ކޮމެޓީގެ މެމްބަރުންނާއިއެކު ޖުމުލަ 35 ށް ވުރެ ގިނަ މެމްބަރުން ވަނީ ބައިވެރި ވެފައެވެ.

މި ބައްދަލުވުމަކީ އަލަށް ގުޅުނު އިސްވާރުންނަށް ޝެޓްސްއާ ގުޅޭ މުހިންމު މައުލޫމާތުތައް ފޯރު ކޮށްދިނުމުގެ އިތުރަށް، ޝެޓްސް އިން މި ޓާރމުގައި ކުރިޔަށް ގެންދިޔުމަށް ނިންމާފައިވާ ހަރަކާތްތަކާ ގުޅޭ މައުލޫމާތުތައް ހިއްސާ ކުރުމަށްޓަކައި، ޝެޓްސްގެ ހިންގާ ކޮމެޓީން ރާވާ އިންތިޒާމް ކޮށްގެން ކުރިޔަށް ގެންދެވުނު ބައްދަލުވުމެކެވެ. އަދި މީގެއިތުރުން ފާއިތުވެ ދިޔަ އަހަރުތަކުގައި ޝެޓްސް އިން ކުރިޔަށް ގެންދިޔަ ތަފާތު އެކި  ހަރަކާތްތަކުގެ މައްޗަށް ބިނާކޮށް ތައްޔާރުކޮށްފައިވާ ހާއްސަ ވީޑިއޯއެއް ވަނީ އިސްވާރުންނަށް ހިއްސާކުރެވިފައެވެ.

މި ޓަރމުގައި ޝެޓްސް އަށް އަލަށް ގުޅުނު އިސްވާރުންނާއި އެކު،  ގިނަ ހަރަކާތް ތަކެއް ރާވާ ހިންގުމަށް ޝެޓްސް އިން ވަނީ އަމާޒުހިފާފައެވެ.