”އިންސައިޑް އައުޓް 2“ މި ބުރާސްފަތި ދުވަހުގެރޭ!

ފެކަލްޓީ އޮފް އެޑިއުކޭޝަންގެ ގޮފި ފެސާއިން ބޭއްވުމަށް ހަމަޖެހިފައިވާ މޫވީ ނައިޓް ގައި މިފަހަރު ދެއްކުމަށް ހަމަޖެހިފައިވާ ”އިންސައިޑް އައުޓް 2“ 29 އޮގަސްޓު ވާ ބުރާސްފަތި ދުވަހުގެ ރޭ އެޅުވުމަށް ނިންމައިފިއެވެ.

އެފް.އީ އޮޑިޓޯރިއަމްގައި ބޭއްވުމަށް ހަމަޖެހިފައިވާ މިފަހަރު މޫވީ ނައިޓްގެ ޓިކެޓުތައް ވިއްކަމުންދާނި 15ރ. އަށެވެ. މިދިޔަ ފަހަރެކޭ އެއްފަދައިން މިފަހަރުވެސް ޓިކެޓު ވިއްކުމުގެ ކަންތައް އޮންލައިންކޮށް ކުރިޔަށް ގެންދެވޭނެއެވެ. އޮންލައިންކޮށް ޓިކެޓު ބައްލަވައިގަތުމަށް 9421150 / 9142760 އަށް ވައިބަރ ނުވަތަ ޓެލެގްރާމް އިން މެސެޖު ކޮށްލެއްވުމުން ޓިކެޓު ލިބިވަޑައިގަންނަވާނެއެވެ.

އަދި ކުރީ އަހަރުތަކެކޭ ވެސް އެއްފަދައިން މި ފަހަރު ވެސް ކެންޓީންގެ ޚިދުމަތްވެސް ލިބެން ހުންނާނެއެވެ. އެގޮތުން ޕޮޕްކޯނާއި ސޮސެޖު އަދި ފެން ލިބެން ހުންނާނެއެވެ.

މި ހަރަކާތުގެ މަގުސަދަކީ ދަރިވަރުންނަށް ކިޔެވުމުގެ އިތުރުން މަޖާކޮށްލާ އެކުވެރިންނާއި އެކު ވަގުތުކޮޅެއް ހޭދަ ކޮށްލުމުގެ ފުރުސަތު ފަހިކޮށްދިނުމުގެ އިތުރުން ފެސާއިން ކުރިޔަށް ރާވާފައި ހުރި ހަރަކާތްތަކަށް ބޭނުންވާ ފައިސާ އިތުރުކުރުމެވެ.

ފެސާއިން މިއަހަރު ބޭއްވި ދެ މޫވީ ނައިޓްތައް ވަނީ ކާމިޔާބުކަމާއިއެކު ނިންމާލައިފައެވެ. އަދި ދަރިވަރުންގެ ފަރާތުންވެސް ބޮޑު ތަރުހީބެއް ލިބިފައިވާކަން ފާހަގަކޮށްލެވެއެވެ.