ިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އަދި ލ.ގަމު ކެމްޕަހުގައި ގާއިމުކުރެވިފައިވާ ޔޫނިއަންގެ ގޮފި އަހުރަ އާއި ގުޅިގެން ބާއްވާ މިއަހަރުގެ ހޭންޑްބޯޅަ މުބާރާތް “ ލ.ގަމު އެމް.އެން.ޔޫ.އެސް.ޔޫ އަހުރަ ހޭންޑްބޯޅަ މުބާރާތް 2024″ ފަށައިފިއެވެ.
މުބާރާތްފެށުމުގެ ރަސްމިއްޔާތު ބާއްވާފައިވަނީ 31 އޮގަސްޓް ވީ ހޮނިހިރު ދުވަހުގެ ރޭ މަތިމަރަދޫ ފުޓްސަލް ދަނޑުގައެވެ. މި ރަސްމިއްޔާތު ޝަރަފުވެރިކޮށްދެއްވީ ހައްދުންމަތީ ގަމު ކައުންސިލްގެ ރައީސް އަހުމަދު ޒަކީއެވެ. މި ރަސްމިއްޔާތުގައި ލ.ގަމުގެ އެކި މުއައްސަސާތަކުގެ އިސްވެރިންގެ އިތުރުން ދަރިވަރުންގެ ޔޫނިއަންގެ ހިންގާ ކޮމެޓީ މެމްބަރުންނާއި،ކުރީ ދައުރުގެ މެމްބަރުން ވަނީ ބައިވެރިވެފައެވެ.
މިރަސްމިއްޔާތުގައި ވާހަކަފުޅު ދައްކަވަމުން ކައުންސިލްގެ ރައީސް ވަނީ މުބާރާތް އިންތިޒާމުކުރުމުގައި ޔޫނިއަންގެ މަސައްކަތްތައް ފާހަގަކޮށް އެކަމަށް ޝުކުރުދައްނަވާފައެވެ. އަދި ހަމަ އެއާއެކު މުބާރާތުގައި ބައިވެރިވި ހުރިހާ ޓީމަތަކުން ވެސް ކުޅިވަރުގެ ރޫހާ އެއްގޮތައް ވާދަވެރި ކުޅުމެއް ކުޅުމަށްވަނީ އިލްތިމާސްކުރައްވާފައެވެ.
މިއަހަރުގެ މުބާރާތުގައި ޖުމުލަ 11 ޓީމު ބައިވެރިވެފައިވާއިރު، މީގެ ތެރެއިން ފިރިހެން ޑިވިޝަނުގައި ހިމެނެނީ 4 ޓީމެވެ. އަދި އަންހެން ޑިވިޝަނުގައި 7 ޓީމެއް ވާދަކުރާނެއެވެ. މިމުބާރާތް މިމަހުގެ 31 ން ސެޕްޓެމްބަރ 6ގެ ނިޔަލަށް ކުރިއަށްދާއިރު، ކޮންމެ ދުވަހަކުވެސް ހަވީރު އަދި ރޭގަނޑު މެޗުތައް ކުޅުމަށްވަނީ ތާވަލުކުރެވިފައެވެ.
މިމުބާރާތުގެ ޗެމްޕިއަށް ޓީމަށް 20،000.00 ރުފިޔާގެ ފައިސާގެ އިނާމެއް ވަނީ ކަނޑައެޅިފައެވެ. އަދި ރަނަރަޕް ޓީމަށް 7،000.00 ރުފިޔާގެ ފައިސާގެ އިނާމެއް ދިނުމަށް ވަނީ ނިންމާފައެވެ.
2017 ވަނަ އަހަރު ފުރަތަމަ ބޭއްވުނު އަހުރަ ހޭންޑްބޯޅަ މުބާރާތަށްފަހު 2018 އަދި 2019ވަނަ އަހަރުވެސް ވަނީ ކާމިޔާބުކަމާއެކު މި މުބާރާތް ކުރިއަށްގެންގޮސްފައެވެ. ކޮވިޑް 19 އާއި ގުޅިގެން ކުރިމަތިވި ގޮންޖެހުންތަކުގެ ސަބަބުން 4 އަހަރަށްފަހު، މިއަހަރު ބޭއްވިގެން މިދަނީ ޔޫނިއަންގެ 4 ވަނަ ހޭންޑްބޯޅަ މުބާރާތެވެ.
އެމް.އެން.ޔޫ.އެސް.ޔޫ އަހުރަ ހޭންޑްބޯޅަ މުބާރާތަކީ ޔޫނިއަންގެ ފަރާތުން އަތޮޅުތެރޭގައި ބާއްވާ އެންމެ ބޮޑު ކުޅިވަރު ހަރަކާތެވެ. 2017 ވަނަ އަހަރު ފުރަތަމަ ބޭއްވުނު އަހުރަ ހޭންޑްބޯޅަ މުބާރާތަށްފަހު 2018 އަދި 2019 ވަނަ އަހަރުވެސް ވަނީ ކާމިޔާބުކަމާއެކު މި މުބާރާތް ކުރިއަށްގެންގޮސްފައެވެ. ކޮވިޑް 19 އާއި ގުޅިގެން ކުރިމަތިވި ގޮންޖެހުންތަކުގެ ސަބަބުން 4 އަހަރަށްފަހު، މިއަހަރު ބޭއްވިގެން މިދަނީ ޔޫނިއަންގެ 4 ވަނަ ހޭންޑްބޯޅަ މުބާރާތެވެ.
