ދިވެހިރާއްޖޭގެ ގައުމީ ޔުނިވާރސިޓީ ދަރިވަރުންގެ ޔޫނިއަން އިން ބާއްވާ ޔޫނިއަންގެ އެންމެ ޝަރަފުވެރި މުބާރާތް ކަމަށްވާ އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ ޓައިޓަލް ސްޕޮންސާއަކަށް ބޭންކް އޮފް މޯލްޑިވްސް ހަމަޖެހިއްޖެއެވެ.
މީގެ އިތުރުން ކުޅިވަރާ ހަށިހެޔޮކަމާ ބެހޭ ވުޒާރާގެ ވަރަށް ބޮޑު އެހީތެރިކަމާއެކު މުބާރާތް ކުރިއަށް ގެންދިޔުމުގެ އިންތިޒާމުތައް ހަމަޖެހިފައިވާއިރު، އެސޯސިއޭޓް ޕާރޓްރަނަކީ ގޯލްޑެން ފުޓްސަލް އެސޯސިއޭޝަންއެވެ.
ސަޕޯޓިން ޕާޓުނަރުންނަކީ މެރިން ގުރޭޑް، ލެ ސޫކް، ޕޮއިސް، ދިގްރެބް އަދި މާލޭ ސިޓީ ކައުންސިލްއެވެ. އަދި ހަމަ މިއާއެކު ދިރާގު ޑިޖިޓަލް ޕާޓްނަރަކަށް ހަމަޖެހިފައިވާއިރު، މީޑިއާ ޕާޓްނަރަކީ ވޮއިސް އެމް.ވީ އެވެ. އިތުރު ސްޕޮންސަރުންގެ ގޮތުގައި ހިމެނޭ ވާރިއޯރ އެރީނާ އަކީ ފިޓްނަސް ޕާޓްނާއެވެ. އަދި މަރްގުއީ އަކީ ސްޕޯޓް ޕާޓްނާއެވެ. އަދި ޓްރާންސްޕޯޓް ޕާޓްނާގެ ގޮތުގައި އެމް.ޓީ.ސީ.ސީ ވަނީ ހަމަޖެހިފައިވާއިރު ކިޓް ފާޓްނާރގެ ގޮތުގައި މެނީ މޯލްޑިވްސް ހިމެނެއެވެ.
މިމަހުގެ 24 ވަނަ ދުވަހު ފެށުމަށް ހަމަޖެހިފައިވާ މި މުބާރާތުގައި ޖުމުލަ 31 ވަނީ ބައިވެރިވެފައެވެ. އެއީ އަންހެން ޑިވިޝަނުގެ 12 ޓީމާއި ފިރިހެން ޑިވިޝަނުގެ 18 ޓީމެވެ.
އެމް.އެން.ޔޫ.އެސް.ޔޫ ފުޓްސަލް ފިއެސްޓާ އަކީ ދިވެހިރާއްޖޭގެ މަތީ ސާނަވީ ދާއިރާގައި ބާއްވާ އެންމެ ބޮޑު ކުޅިވަރު ޙަރަކާތެވެ. މި މުބާރާތް ރާވާ އިންތިޒާމު ކުރަނީ ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އިންނެވެ. މި އަހަރު މި ބާއްވަނީ މީގެ 10 ވަނަ މުބާރާތެވެ.
