ބީއެސްއެސްއޭ އިން ”އެންޓްރެޕްރެނާސް ކޮންފުލުއެންސް“ގެ ނަމުގައި ބޮޑު އިވެންޓެއް ކުރިއަށް ގެންދިއުމަށް ނިންމައިފިއެވެ.
މި އިވެންޓަކީ އޮގަސްޓް މަހުގެ 30 ވަނަ ދުވަހު އެމްއެންޔޫ ސެންޓްރަލްގެ ޕީއީ ހޯލްގައި ކުރިއަށްގެންދާ އިވެންޓެކެވެ. އެމްއެންޔޫ ބިޒްނެސް ސްކޫލުގެ ކުދިންގެ އިތުރުން އެހެން ކުދިންނަށް ވެސް ރަޖިސްޓާވެލައިގެން މި އިވެންޓްގައި ބައިވެރިވުމުގެ ފުރުސަތު ވަނީ ހުޅުވާލާފައެވެ.
ބީއެސްއެސްއޭ އިން ކުރިއަށް ގެންދިއުމަށް ހަމަޖެހިފައިވާ މި އިވެންޓަކީ ކުދިނަށް ‘ކްރިއޭޓިވިޓީ‘ އާއި ’ޑިޖިޓަލް އިނޮވޭޝަން‘ ކިޔާ ދިނުމުގެ މަގުސަދުގައި ކުރިއަށް ގެންދެވޭ އިވެންޓެކެވެ. މި އިވެންޓްގައި ތަޖުރިބާކާރު ކުންފުނިތަކުގެ ވެރިންގެ ވާހަކަތަކާއި އެކި ވިޔަފާރިތަކުގެ ވޯކްޝޮޕްތަކުގެ އިތުރުން ލައިވް ކޮންސަލްޓެންސީ ސެޝަންތައް ކުރިއަށް ގެންދިއުމަށް ވަނީ ހަމަޖެހިފައެވެ.
މި އިވެންޓްގެ ސަބަބުން ދަރިވަރުންނަށް ތަޖުރިބާކާރުންގެ ގާތުގައި ފަސޭހަކަމާއެކު ކަންކަން އޮޅުން ފިލުވައި ގުޅުން ބަދަހިކުރެވިގެންދާނެއެވެ.
މި އިވެންޓްގައި ކުރިއަށް ގެންދިއުމަށް ހަމަޖެހިފައިވާ ކަންތައްތަކަށް ބަލާއިރު ރައުންޑް-ޓޭބަލް ޑިސްކަޝަން، ޕަބްލިކް ކޮންސަލްޓެންސީ: ލައިވް ވަން-އޮން-ވަން މެންޓޮރިން، ޕެނެލް ޑިސްކަޝަން، ލޯކަލް ބުޒިނެސް އެކްޒިބިޝަންސް، ފޫޑް ވެންޑާސް އެންޑް އެކްސްޕީރިއެންސް ސްޓޯލްސް، އިންޓާރެކްޓިވް ޓްރެއިނިންގް، ނެޓްވޯކިން އޮޕޯޓުނިޓީސް ވިތް އިންވެސްޓާސް އެންޑް ކޯޕަރޭޓް ލީޑާސް އަދި މާސްޓާކްލާސް ހިމެނެއެވެ.
މި އިވެންޓުގެ މެއިން ސްޕޮންސާއަކީ ދަ ހޯކްސް ޕްރައިވެޓު ލިމިޓެޓް ކޮމްޕެނީއެވެ. އަދި މީގެ އިތުރުން އިވެންޓު އިންތިޒާމް ކުރެވިގެންދަނީ ބިޒްނަސް ސެންޓަރ ކޯޕަރޭޝަނާއި ގުޅިގެންނެވެ.
