ފެކަލްޓީ އޮފް އެޑިއުކޭޝަނާއި މި ސެމިސްޓަރގައި އަލަށް ގުޅުނު ދަރިވަރުންނަށް ބޭއްވި ”ފެސާ ވެލްކަމް ނައިޓް 2025″ ކާމިޔާބުކަމާއެކު ނިންމާލައިފިއެވެ.
ވެލްކަމް ނައިޓް ބާއްވާފައިވަނީ 28 އޮގަސްޓް ވީ ބުރާސްފަތި ދުވަހުގެރޭ އެފް.އެހް.އެސް ހޯލުގައެވެ. ތިރީހަކަށް ކުދިން ބައިވެރިވި މިހަރަކާތުގައި އެކި ކަހަލަ މަޖާ ކުޅިވަރުތައް ކުރިޔަށް ގެންގޮސްފައިވެއެވެ.
އިވެންޓް ފެށިގެން ދިޔައީ ފެސާގެ މިދައުރުގެ ހިންގާ ކޮމިޓީގެ ތަޢާރަފްވުމަކަށް ފަހުގައެވެ. އަދި އެއަށްފަހު އަލަށް ގުޅުނު ދަރިވަރުންނާއި މުޚާޠަބުކޮށް ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) ގެ ރައީސާ އައިޝަތު މަޢީޝާ ޙާތިމް ވަނީ ވާހަކަ ދައްކަވައިފައެވެ. މައީޝާ ގެ ވާހަކައިގައި ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) އިން މި ޓާމުގައި ހިންގުމަށް ހަމަޖެހިފައިވާ ހަރަކާތްތަކާއި، އެމް.އެން.ޔޫ.އެސް.ޔޫ އިން މި ޓާމުގައި ހިންގުމަށް ހަމަޖެހިފައިވާ ހަރަކާތްތަކުގެ ކުރު ހުލާސާއެއް ދެއްވިއެވެ.
ވެލްކަމް ނައިޓްގެ ތެރޭގައި ވަނީ ފެސާގެ ލީޑާރސް ގްރޫޕަށް ގުޅެން ބޭނުންވާ ކުދިން ނަން ނޯޓު ކުރެވިފައެވެ. އަދި ހަމައެހެންމެ، ދަރިވަރުންގެ މެދުގައި ގުޅުން ބަދަހިވެގެން ދިޔަ މަޖާ ތަފާތު އެކި ކުޅިވަރުތައް މި ހަރަކާތުގައި ކުޅެވިގެންދިޔައެވެ. ވެލްކަމް ނައިޓް ނިންމާލެވިފައިވަނީ މަޝްހޫރު ލަވަކިޔުންތެރިއެއް ކަމައްވާ މުޙައްމަދު ނަސޫހް ގެ ހުށަހެޅުންތަކަކާއެކުގައެވެ.
މި ހަރަކާތުގެ މަގްސަދަކީ އަލަށް ގުޅުނު ދަރިވަރުންނަށް އުފާވެރި މާހައުލެއްގައި ގުޅުން ބަދަހިކޮށް، މަޖާކޮށްލާ އެކުވެރިކަން އާލާކުރުމުގެ ފުރުސަތު ދިނުމެވެ.
