ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ގޮފިތަކުގެ ތެރެއިން، ފެކަލްޓީ އޮފް އާރޓްސްގެ ގޮފި ސިއާ އަދި ފެކަލްޓީ އޮފް އެންޖިނިއަރިންގ ސައިންސްގެ ގޮފި އެސްޓާ ގުޅިގެން’ސުވާސްތި‘ ގެ ނަމުގައި ބޭއްވުނު ވެލްކަމް ނައިޓް ވަނީ ވަރަށް ފުރިހަމަ ކަމާއެކު ނިންމާލައިފައެވެ.
ސެޕްޓެމްބަރ 3ވަނަ ދުވަހުގެރޭ އެމް،އެން،ޔޫ ޕީ،އީ،ހޯލުގައި ބޭއްވުނު ސުވާސްތީގެ ބޭނުމަކީ މި އަހަރު އަލަށް ދެ ފެކަލްޓީއާއި ގުޅުނު ދަރިވަރުންނަށް މަރުޙަބާ ކިޔުމެވެ.މި ހަފްލާގައި ދެ ގޮފީގެ ހިންގާ ކޮމެޓީގެ މެމްބަރުން ތަޢާރަފްވުމާއެކު އެކިއެކި މަޖާ ހަރަކާތް ވަނީ ކުރިޔަށް ގެންގޮސްފައެވެ.
ހަފްލާ ނިންމާލައިފައިވަނީ ދަރިވަރުން އެކަކު އަނެކަކަށް އެނގި ލީޑަރުންގެ މެދުގައި ރަނގަޅު ގުޅުމެއް އުފެދިގެންނެވެ.ސިއާ އާއި އެސްޓާއިން މި ސެމިސްޓާގަވެސް އެތަށް ހަރަކާތްތަކެއް ބޭއްވުމަށް ވަނީ ހަމަޖެހިފައެވެ. މި ހަރަކާތްތަކުގައި ދަރިވަރުންގެ ފުރިހަމަ އެއްބާރުލުން ލިބޭނެކަމަށް ދެ ގޮފިންވެސް އުއްމީދުކުރެއެވެ.
