ފެސާ އަދި ޕާލޭ ގުޅިގެން ”ހިތުން ވެއްޓަށް“ ގެ ނަމުގައި ކުރިއަށް ގެންދާ ހަރަކާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
މި މަހުގެ 22 ވަނަ ދުވަހު ބާއްވަން ހަމަޖެހިފައިވާ މި ހަރަކާތަކީ ދިވެހިރާއްޖޭގެ ޤައުމީ ޔުނިވަރސިޓީގެ ހުރިހާ ފެކަލްޓީތަކެއްގެ މެދުގައި ކުރިއަށް ގެންދިއުމަށް ހަމަޖެހިފައިވާ ހަރަކާތެކެވެ.
މި ހަރަކާތް ކުރިޔަށް ގެންދިއުމަށް ހަމަޖެހިފައިވަނީ ޓީމްތަކަކަށް ބަހަލައިގެން، ޓީމެއްގައި ގިނަވެގެން 7 ކުދިން ހިމެނޭ ގޮތަށެވެ. މި ހަރަކާތުގެ ތެރެއިން އޯޝަން ކޮންޒަވޭޝަން އަދި ސަސްޓެއިންބިލިޓީ އާއި ގުޅުން ހުރި ތަފާތު މައުލޫމާތު ވެސް ލިބިގެންދާނެއެވެ.
މި ހަރަކާތް އޮންނާނީ ހޮނިހިރު ދުވަހު 09:00 ގައި އެފް.އީ ޕީ.އީ ހޯލުގައެވެ. މި މުބާރާތުގެ މަޤުސަދަކީ ދަރިވަރުންގެ ތިމާވެއްޓާ ގުޅުންހުރި ތަފާތު މައުލޫމާތު ފޯރުކޮށްދިނުމާއި، މާލޭގެ ބައެއް ސަރަހައްދުތައް ސާފުކުރުމެވެ.
މި މުބާރާތުގައި މިހާތަނަށް ޖުމްލަ 35 ކުދިން ވަނީ ބައިވެރިވެފައެވެ.
ފެސާއިން އުންމީދު ކުރަނީ ގިނަ ކުދިންތަކެއް މި ހަރާތުން ފެނިގެންދިއުމަށެވެ.
