އެމް.އެން.ޔޫ.އެސް.ޔޫ ޝެޓްސް ކެރަމް މުބާރާތުގެ އަމްޕަޔަރ ޓްރެއިނިންގ ޕްރޮގްރާމް ފެށިއްޖެ

އެމް.އެން.ޔޫ.އެސް.ޔޫ ޝެޓްސް ކެރަމް މުބާރާތުގެ އަމްޕަޔަރުންގެ ގޮތުގައި މަސައްކަތް ކުރަން ކުރިމަތިލި ދަރިވަރުންނަށް އަމްޕަޔަރ ޓްރެއިނިންގ ޕްރޮގްރާމް ފަށައިފިއެވެ.

އަމްޕަޔަރ ޓްރެއިނިންގ ޕްރޮގްރާމުގެ ފުރަތަމަ ކްލާސް، 27 އެޕްރީލް 2021 (މިއަދު) ވަނީ ބާއްވަފައެވެ. ޓްރެއިނިންގ ޕްރޮގްރާމް ކުރިއަށް ދާނީ އެމް.އެން.ޔޫ ސެންޓްރަލް ގެ ކްލާސްރޫމެއްގައެވެ. މި ޕްރޮގްރާމުގައި އެކި އެކި ފެކަލްޓީ ތަކުގެ ދަރިވަރުން ބައިވެރިވެފައި ވާއިރު، ޖުމްލަ ބައިވެރިވެފައިވާ ދަރިވަރުންގެ އަދަދަކީ 23 އެވެ. އަމްޕަޔަރުން ތަމްރީނުކުރުމަށްޓަކައި މި ޕްރޮގްރާމުގައި ކްލާސްތަށް ނަގައިދެމުންދަނީ ކެރަމް އެސޯސިއޭޝަން އޮފް މޯލްޑިވްސް ގެ ފަރާތުން ނާޒިމް ހަސަންއެވެ. ޓްރެއިނިންގ ކުރިއަށް ގެންދިއުމަށް ހަމަޖެހިފައިވަނީ ފަސް ދުވަހަށް ބަހާލައިގެންނެވެ.

މި ޓްރެއިނިންގ ޕްރޮގްރާމް ނިންމާ ދަރިވަރުންނަށް، ކެރަމް މުބާރާތްތަށް އަމްޕަޔަރުކަން ކުރުމުގެ ”C“ ލައިސެންސް ދެވޭނެއެވެ.