ސުކޫލް އޮފް ނާސިންގް ގޮފި ނިއަރެސްގެ އަހަރުގެ ފުރަތަމަ ފަންޑް ރައިސިންގް އިވެންޓެއްގެ ގޮތުން ”ނިއަރެސް ފުޑްކޯޓް “ ގެ ނަމުގައި އިވެންޓެއް ބާއްވައިފިއެވެ. ސުކޫލް އޮފް ނާސިންގް ގޮފި ނިއަރެސްގެ މި އިވެންޓް ކުރިއަށް ދިޔައީ 14 އަދި 15 މާރޗް 2019 ވަނަ ދުވަހުގެ ހެދުނު 10 އަކުން ހަވީރު 4 ޖެހުމާ ހަމަހަށެވެ.
14 މާރޗް ވީ އާދިއްތަ ދުވަހު މި އިވެންޓުގެ ސުޓޯލުތައް ވަނީ ދެ ފެކަލްޓީ އެއް ގައި ހުޅުވާލެވިފައެވެ. އެއީ ސްކޫލް އޮފް ނާސިން، ފެކަލްޓީ އޮފް ހެލްތު ސައިންސެސްގެ ބިލްޑިންއާއި މޯލްޑިވްސް ނޭޝަނަލް ޔުނިވާސިޓީގެ މެއިން ބިލްޑިންގައެވެ. އަދި 15 މާރޗް ވީ ހޯމަ ދުވަހު މި އިވެންޓުގެ ސުޓޯލުތައް ހަމަ އެކަނި ހުޅުވާލާފައި ވަނީ ސްކޫލް އޮފް ނާސިން، ފެކަލްޓީ އޮފް ހެލްތު ސައިންސެސްގެ ބިލްޑިންގައެވެ.
ސުކޫލް އޮފް ނާސިންގް ގޮފި ނިއަރެސްގެ “ ފުޑްކޯޓް “ ގައި އެކި ބާވަތްތަކުގެ ކާތަކެތި ވަނީ ވިއްކާފައެވެ. އޭގެ ތެރޭގައި ޖޫސްޕެޓީ، ދެ ވައްތަރެއްގެ މަޖާ (ކިހާ މަޖާ، އަނބު މަޖާ) އަދި ދެ ވައްތަރެއްގެ ޑުރިންކުސް (ޓުރޮޕިކަލް ކޮކްޓެއިލް، ބުލޫ ބެރީ މޮޖިޓޯ) ވަނީ ހިމަނާފައެވެ.
މޯލްޑިވްސް ނޭޝަނަލް ޔުނިވާސިޓީގެ ހުރިހާ ބޭފުޅުންނަށް ހުޅުވާލެވިގެން ބޭވި މިއިވެންޓަށް ވަރަށް ބޮޑު ތަރުހީބެއް ވަނީ ލިބިފައެވެ.
