ދިިވެހިރާއްޖޭގެ ޤައުމީ ޔުނިވާސިޓީގެ ދަރިވަރުންގެ ސުޓޫޑެެންޓް ޔޫނިއަން އެމް.އެން.ޔޫ.އެސް.ޔޫއިން އިންްތިޒާމް ކޮއްގެން ބާއްވާ އިންޓަރ ފެކަލްޓީ ވޮލީ މުބާރާތުގައި ވާދަކުރި ސުކޫލް އޮފް ނާސިންގެ ދެ ޓީމުވެސް ސެމީ ފައިނަލުން ޖާގަ ކަށަވަރު ކޮއްފިއެވެ.
މުބާރާތުގެ އަންހެން ޑިވިޝަނުގެ ސެމީ ފައިނަލަށް ގުރޫޕް ސީގެ ސުކޫލް އޮފް ނާސިންގެ ޓީމް ދަތުރު ކުރީ ކުޅުނު 2 މެޗުކާމިޔާބުކޮށްގެންނެވެ. ބުދަދުވަހު މުބާރާތުގެ އަންހެން ޑިވިޝަނުގެ ފުރަތަމަ މެޗުން ސުކޫލް އޮފް ނާސިންގެ ޓީމް ސީދާ 2 ސެޓުން އެފް.އެޗް.ޓީ.އެސްގެ މައްޗަށްް ކުރިހޯދިިއިރު މިމެޗުގެ އެންމެ މޮޅު ކުޅުންތެރިޔަކަށް ހޮވުނީ އެސް.އެންގެ ޖާރޒީ ނަމްބަރ 12 އާޝިޔަތު ސައީދު އެވެ. ސުކޫލް އޮފް ނާސިންގެ ޓީމް ހުކުރުދުވަހު ކުޅުނު މެޗުން 2-1 އިން އެން.އެމް.ޔޫ.ބީ.އެސްގެ މައްޗަށް ކުރިހޯދިިއިރު މިމެޗުގެ އެންމެ މޮޅު ކުޅުންތެރިޔަކަށް ހޮވުނީ އެސް.އެންގެ ޖާރޒީ ނަމްބަރ 02 މަރިޔަމް ނިޝާ އެވެ.
ސުކޫލް އޮފް ނާސިންގެ އަންހެން ޓީމް މުބާރާތުގެ އަންހެން ޑިވިޝަނުގެ ސެމީ ފައިނަލަށް ދަތުރު ކުރީ ގުރޫޕު ސީގެ އެއްވަނަޓީމްގެ ގޮތުގައެވެ.
މުބާރާތުގެ ފިރިހެން ޑިވިޝަނުގެ ސެމީ ފައިނަލަށް ގުރޫޕް އޭގެ ސުކޫލް އޮފް ނާސިންގެ ޓީމް ދަތުރު ކުރީ ކުޅުނު 3 މެޗުގެ ތެރެއިން 2 މެޗު ކާމިޔާބުކޮށްގެންނެވެ. ހުކުރުދުވަހު ކުޅެވުނު ފިރިހެން ޑިވިޝަނުގެ ފުރަތަމަ މެޗު ސީދާ 2 ސެޓުން ސުކޫލް އޮފް ނާސިންގެ ޓީމް އެފް.އީގެ މައްޗަށްް ކުރިހޯދިިއިރު މިމެޗުގެ އެންމެ މޮޅު ކުޅުންތެރިޔަކަށް ހޮވުނީ އެސް.އެންގެ ޖާރޒީ ނަމްބަރ 08 އިބްރާހިމް ހާމިދެވެ. އަދި ހުކުރުދުވަހު ކުޅެވުނު ފިރިހެން ޑިވިޝަނުގެ ފަސްވަނަ މެޗު ސީ.އެފް.އެސްއާ ވާދަކޮށް ފޯރިގަދަ ކުޅުމަކަށްފަހު 2-1 ން ސުކޫލް އޮފް ނާސިންގެ ޓީމް ކާމިޔާބު ކުރިއިރު، އެންމެ މޮޅު ކުޅުންތެރިޔަކަށް ހޮވުނީ އެސް.އެންގެ ޖާރޒީ ނަމްބަރ 07 މުޙައްމަދު އާދަމް އެވެ. އެއާ އެކު ގުރޫޕް އޭގެ ދެވަނަ އަށް ސުކޫލް އޮފް ނާސިންގެ ޓީމް ގޮސް ސެމީ ކަށަވަރުކުރިއެވެ.
ދިިވެހިރާއްޖޭގެ ޤައުމީ ޔުނިވާސިޓީގެ ދަރިވަރުންގެ ސުޓޫޑެެންޓް ޔޫނިއަން އެމް.އެން.ޔޫ.އެސް.ޔޫއިން އިންްތިޒާމް ކޮއްގެން ބާއްވާ އިންޓަރ ފެކަލްޓީ ވޮލީ މުބާރާތުގެ ސެމީފައިނަލް ބާއްވަން ހަމަޖެެހިފައި ވަނީ 27 އޭޕްރީލް 2019 ވާ ހޮނިހިރު ދުވަހުގެ ހެނދުނުއެވެ. އަންހެން ޑިވިޝަނުގެ ދެވަނަ ސެމީގައި ވާދަކުރާނީ އެސް.އެން އަދި އެން.އެމް.ޔޫ.ބީ.އެސް އެވެ. އަދި ފިރިހެން ޑިވިޝަނުގެ ދެވަނަ ސެމީގައި ވާދަކުރާނީ އެސް.އެން އަދި އެފް.އީ.އެސް.ޓީ އެވެ.
