ސުކޫލް އޮފް ނާސިންގެ މި މާހެފުން ބޭއްވީ 30 އޭޕްރީލް ވީ ހޯމަ ދުވަހުގެ ރޭ 20:30 ން 22:00 އަށް އެސް.އެން، އެފް.އެޗް.ޓީ.އެސް ބިލްޑިންގައެވެ. މި މާހެފުން ޝަރަފުވެރި ކޮއްދެއްވީ ސުކޫލް އޮފް ނާސިންގެ ޑީން އާސިޔާ އިބްރާހީމް އެވެ. މި މާހެފުމުގައި އެސް.އެންގެ ވޮލީ ޓީމްގެ ހުރިހާ ކުޅުންތެރިންނާއި ކޯޗްއާއި ލެކްޗަރާއިންނަށް ވަނީ ދައުވަތު އެރުވިފައެވެ. އަދި މިދައުވަތު ޤަބޫލު ކުރައްވައި ވަރަށް ގިނަ ބޭފުޅުން ވަނީ މިމާހެފުމުގައި ބައިވެރިވެފައެވެ.
މި ވޮލީ ބޯލް އިވެންޓަށް ވަނީ ސްކޫލް އޮފް ނާސިންގެ ވަރަށް ގިނަ ދަރިވަރުންގެ ތަރުހީބް ލިބިފައެވެ. މިގޮތުން މިކަން ފާހަގަކޮށް އެސް.އެންގެ ވޮލީ ޓީމް ގެ ހުރިހާ ކުޅުން ތެރިންނަށާއި އެހީތެރިންނަށް މި ވޮލީ މުބާރާތުގައި ބައިވެރިވިކަމުގެ ހަދާނީ ލިޔުމެއް ނިއަރެސްގެ ފަރާތުން ވަނީ އަރުވާފައެވެ. މި ހަދާނީ ލިޔުންތައް ހުރިހާ ބޭފުޅުންނަށް ހަވާލުކޮށް ދެއްވީ މި މާހެފުމުގެ ޝަރަފުވެރި މެހެމާން ސުކޫލޮ އޮފް ނާސިންގެ ޑީން އާސިޔާ އިބްރާހީމް އެވެ.
މީގެ އިތުރުން މި މާހެފުމުގެ ބައިވެރިން އިންސާފުކުރެއްވުމަށް އެކި ބާވަތްތަކުގެ ދިވެހި ކެއުން ވަނީ ހިމަނާފައެވެ. މިމާހެފުން ކާމިޔާބުކަމާ އެކުނިންމާލީ ވަރަށް ގިނަ ބޭފުޅުންގެ އެހީއާ އެކުއެވެ. އޭގެ ތެރޭގައި ސްކޫލް އޮފް ނާސިންގެ ވަރަށް ގިނަ ދަރިވަރުންނާއި ލެކްޗަރާއިން ހިމެނެއެވެ.
