ދިވެހިރާއްޖޭގެ ޤައުމީ ޔުނިވާރސިޓީގެ ހިތަދޫ ކެމްޕަހުގެ ގޮފި ދޮންދީނިގެ ފަރާތުން ތަރާވީސްދަން ނަމުގައި ހަރަކާތެއް ކުރިއަށް ގެންގޮސްފިއެވެ.
މިއީ ހިތަދު ކެމްޕަހުގައި ކިޔަވަމުންގެންދާ ދަރިވަރުންނަށް ޚާއްސަކޮށްގެން ދޮންދީނި ހިންގާ ކޮމިޓީން ރާވައިގެން އިންތިޒާމު ކުރި ހަރަކާތެކެވެ.
މި ތަރާވީސްދަން ކުރިއަށް ގެންގޮސްފައިވަނީ 28 މާރޗްވީ ބުރާސްފަތި ދުވަހުގެ ރޭ ހިތަދޫ ކެމްޕަހުގައެވެ. މިތަރާވީސްދަމުގައި ދޮންދީނި މިހާރު ހިންގާ ކޮމިޓީގެ މެމްބަރުންނާއި ގިނަ އަދަދެއްގެ ދަރިވަރުންގެ އިތުރުން ދޮންދީނި ކުރީގެ ހިންގާ ކޮމިޓީގެ ބައެއް މެމްބަރުން ވަނީ ބައިވެރިވެފައިވެއެވެ.
މިހަރަކާތުގެ މައިގަނޑު މަޤްޞަދަކީ ދަރިވަރުންނާއި ދޮންދީނި ހިންގާ ކޮމިޓީގެ މެންބަރުންނާއި ދަރިވަރުންގެ މެދުގައި ގުޅުން ބަދަހި ކުރުމާއެކު އެކުވެރި މާހައުލެއް ބިނާކުރުމަށެވެ.
